Mindat kan unau pawl nih MAH ralkap pawl an phomh taktak cang hna 15 tluk an thah hna

MAH ralkap tam lak te an thah hna leng ah an motor 3 zong mei an kangh piak hna.Kan Chin ram chung Kawl ralkap le mipi i kahmi lak ah nihin an i kahmi hi a fakbik si lai dah.Kawl ralkap lei an cei ngai te.Biatak in an i kah hi zahan le nihin zanlei ah a si i Mindat Myo nichuah lei ah an i kah hi a si.

Matupi lei in ralkap bawmh ding in a rak kaimi MAH ralkap cheukhat zong mipi nih lampi ah an kah hna. An motor zong an khangh piak hna.

Nihin lawngah mipi nih ralkap motor 2 le palik motor 1 bak te mei an khangh piak hna. Mipi lei thimi le hmapu mi theih si lo.A zammi an um ve. MAH ralkap lei 15 tluk thih dawh an si. A zat fiang in theih si rih lo. An i kah ning a zual chin.Credir-Tluang Ceu Thang

Chinland Defense Force (CDF) Timi Hriamtlai Bu Thar an Dirh .Chin ramkulh chung peng/myone 9 huap in Chinland Defense Force (CDF) timi ralkap bu cu April 4 ah kan dirh, tiah CDF nih nihin April 25 ah cathanh an chuah.

“Ralkap uknak kan cohlang hrimhrim lo, tlaih a tongmi vialte thlah dih hna u, Chinram ah Chin phungphai in kan i hruai lai, mipi cung ah Myanmar SAC ralkap nih pehzul in namnehnak nan tuah ahcun ningcang phunphun hmang in i runvennak ah kan in doh ve hna lai,” tiah cathanh ah an ttial.

Tu thla chung thotho ah Falam lei ka unau hna hruainak in Chin National Defense Force (CNDF) timi hriamtlai bu an dirhnak kong thawng an rak thanh ve cang.

Chin ramkulh chung ah hriamtlai bu 4 an hun um cang: CNA, ZRA, CNDF le CDF hna an si.The Chin JournalApril 25, Yangon

Be the first to comment

Leave a Reply

Your email address will not be published.


*