Mindat ah Ralkap le khuami an i kap, Ralkap 3 nak tlawmlo an thi

Chin Ramkulh Mindat khua ah duhlonak a langhter mi minung 6 an tlaih hna i April 24 zaanlei 6:00 ah thlahpiak ding in ralkap nih khuami a kamh hna nain an thlahpiak hna lo ca ah khuami le ralkap kar kahdohnak a chuak i ralkap minung pathum nak tlawmlo an thi. 

Hi kong he pehtlai in Mindat khuami pakhat nih, “Duhlonak a langhter mi minung 6 an tlaih hna i zaan suimilaam 6:00 ah kan thlah hna lai an ti nain an thlah hna lo ca ah an i kah hi a si. Khuami lei in minung pakhat hliamhma a tuar mi a um i thinphang dirhmun a si. Ralkap lei cu minung pathum nak tlawmlo an thi lai. Aa hliam mi zong tampi an um,” tiah DVC ah a chim.

Hi kahdohnak a um ruang ah Ralkap lei in minung thazaang an chap i Mindat an phan rih lo tiah thawng kan theih.Credit-DVC

Adang relthan:Breaking News: CHRO Hakha zung Palek nih an kal hnawh .TCP Hakha| 2021 April 25 — Nihin chun April 25 ah Hakha Palek bo 3 telh in palek pali nih Chin Human Rights Organization (CHRO) zung an kal hnawh tiah kan theih.

Hi kong he pehtlai in, CHRO Hakha zung hmai ah zung kan khar hlan in, Palek le hlathlaitu an umnak cu a sau cang. Mingiatu le palek tbk. an umnak caan cu a sau cang. March 19 hnu in, Zung kan khar hlan in khan a si cang tiah riantuantu pakhat minlanghter awk tha lomi nih The Chinland Post ah a chim.

“Zung cu an khar nak a sau cang. Riantuantu zong kan hmu bal ti hna lo. Milengkai phun zong an um tilo nak a sau cang. March thla dongh khan a si lai dah, zung an kai ti lo. Nain, nihin chun Zung an hun rat hnawh ko. Innpa cheukhat bia an hal hna…” tiah CHRO zung pawng inn ngeitu pakhat nih The Chinland Post ah a chim.

“Zei ruang set ah dah CHRO zung an kal hnawh mi cu hngalh a si lo. Nain, riantuantu pakhat sin in, CHRO Hakha zung lawng silo in, a dangdang kan zung tete zong an luh hnawh mi a um cang. Tlaihkhih mi zong an um…” tiah a chim.

CHRO zung an kal hnawh lio ah, lam a chawklet mi pakhat nih zeidah an tuah set cu ka hngal lo. Nain, ka theih mi cu Palek pali an si. Palek bo 3 pakhat a tel cu ka kal pah ah ka hei hmuh khawh mi a si tiah a chim.

Chin ramkulh le hmun dang vialte ah CHRO nih zung an on mi vialte cu March 19 hnu in khar chung a si cang tiah kan theih.The Chinland Post

Be the first to comment

Leave a Reply

Your email address will not be published.


*