Mindat ah Minung Pakhat a Nunnak a Liam Than

Mindat khua i Electric zung ah rian a ttuanmi Ko Wai Phyo Thanh cu meithal kuan nih a khen caah a nunnak a liam, tiah thawng kan theih.

Ko Wai Phyo Thanh hi Mindat Electric zung ah Assistant Engineer a si. Electric zung ah a um lio ah meithal kuan nih a khen i a nunnak a liam hi a si.

Mindat khua ah minung pahnih an nunnak a liam cang. Nizaan ah kum 18 a simi CDF-Mindat chungtel Salai Thang Hung Thang zong SAC ralkap nih an kahmi miakpi nih a khen i a nunnak a liam. The Chin Journal May 14, Yangon (Zalen)

Mindat ah Naypyidaw in aa Thawhmi SAC Ralkap Helicopter Pahnih an Phan.Mindat khua kahdohnak a fah hnu ah Naypyidaw in SAC ralkap helicopter pahnih an rak i thawh i atu ah Mindat khua Van ah an zuang cuahmah, tiah Mindat zatlang bu lei rinattuan pakhat nih a hcim.

“Helicopter pahnih nih Mindat khua an vel i an zuang cuahmah,” tiah a cunglei upa nih a chim.

Mindat mipi uknak lei bu thawngzamhnak nih, “Nichuahlei ah palik sakhaan zawn in le Nitlaklei ah SAC ralkap bu no. 274 nih CDF-Mindat an doh hna,” tiah atulio Mindat thil sining a langhter.

SAC ralkap lei nih Sniper le miakpi pawl an hman caah CDF lei hliamhma a pumi pawl khulrang in bawmhchanhnak an tuah khawh lo pin ah mipi nunhimnak ca zong ah ttihnung a si cang, tiah an langhter chih.The Chin Journal May 14, Hakha

Be the first to comment

Leave a Reply

Your email address will not be published.


*