Mindat ah Kum 10 Ngakchia Nute Meithal nih a Khen

Nihin zinglei sml. 7:00 hrawng thawk in SAC ralhrang nih Mindat khuachung ah an duh paoh in mortar bomb le meithal in inn pawl an kah i, innchung ah aa dupmi kum 10 ngakchia nute cu ahnulei liang pawng ah meithal kuan nih a khen.

“Sii-ai thlopbultu sayamate zong an um lo. Minung aa chokmi paoh SAC ralhrang nih an kah hna caah khualeng chuah khawh zong a si lo. Hngakchia nute hi a hliam a fak i a zualhma ngai,” tiah HKL Mindat nih a ttial.

Mindat khuachung i inn pawl SAC ralhrang nih an bauh i an duh paoh in an um, thilri zong an fir hna, tiah a langhter chap.

Chun-zaan in Mindat khuachung ah SAC ralhrang nih meithal an duh paoh in an puah caah khuachung ah aa hrengmi pawl lengchuak ngam loin le ttihphang in an um hna.The Chin Journal May 17, Yangon

Lai nu nan thuam nih 2021 Miss Universe ah buan a co ne..Miss Thuzar i hruk ding ah an thimpiak ning ah cun thuam dangpi a si nain a bag a tlau caah Atlanta um Chin mi nih namchan in Lai thuam an timh pick zawk zawk le aa hruk i Miss a hawi le nih an voi khat hmuhnak bak hin a maktuk an ti cawlh ti si.

US ram i Miss zuamnak ding ah rallokap cozah nih piakhat zong an bawm duh lo, cun a unu May le bang cu visa a ngah khawh lo caah US lei bawmhnak thawng in last minute ah visa a ngah i ticket manfak ngai in US an rak phan. A unu he, a mah he duhlo lamzawhnak ah an ttan ngai caah le kawl ram rallokap chiatkhat nak kong interview ah tam ngai an chim caah Kawlram tlunding an zenh ngai ngai nak kong a unu May nih cun a Facebook ah a post. Ka zumhnak ah ka hin thla zeimaw zat cu um dawh an si. Phaisa lei zong ah an chambau ngai ngai nak kong zong interview ah a chim mi um len.

Hakha aiawh in aa zuam mi ka sin nak zong in Mindat I kahnak ah ka lung a thalo tuk ee tiah a facebook ah a langter. Chinmi hi Bawipa nih a kan cawisan cuahmah ko ti hi el awk tha lo khin um. Indiana lei hna a rak phak ah cun U Ṭialsang le keimah ni Chin Brothers Restaurant ah chuncaw kan dang te la.

Be the first to comment

Leave a Reply

Your email address will not be published.


*