Mindat a Rak Dotu SAC Ralhrang pawl Sin in Phungninglo Ritsi an Hmuh Hna

Mindat a rak dotu SAC ralhrang pawl nih an i kenmi ritsi pawl CDF-Mindat nih an lak khawhmi an um hna.

SAC ralhrang nih an i kenmi ritsi hna cu: Bing, WY le (nupa) thisa thawhnak ritsi pawl an si.

CDF-Mindat chungtel pakhat nih, “Mindat ah a rak kaimi ralhrang bawi pakhat sin in le an motor chung ah bing le thisa thawhnak ritsi pawl kan hmuh hna,” tiah a chim

Hi ritsi pawl hi May 14, 15 ah Yaw lei in Mindat ah a rak kaimi SAC ralhrang motor 6 CDF-Mindat nih an khangh dih lio ah an hmuhmi hna an si.The Chin Journal
May 18, Yangon (Zalen)

Chuncung Pawng Kahdoh Kong ah CDF-Hakha nih Chuncung Khuami Nawlnak an Tuah.Chuncung khuami hna sin ah theihternak tuah hmasa loin May 16 zaanlei ah Chuncung khua pawng ah CDF-Hakha nih SAC ralhrang an kahmi hna kong ah CDF-Hakha nih Chuncung khuami hna sin ah nawlnak ca an ttial.

Nawlnak ca an ttialmi: “CDF-Hakha le Ralhrang Kawl Ralkap cu Chinram Falam le Hakha kar Chuncung Khua pawng ah May 16, 2021 zanlei 5:30pm8:00pm tluk kahdohnak kan tuah. Cu Chunchung pawng kahdohnak cu humhim ralrinnak ruang ah Khuami, Mino bu le Khua nupa hna sin theihter hmasa lo in kan cawlcanghnak cungah nan kan ngaithiam I na kan theihthiamnak lai kan in nawl hna.”

“Ralhrang a simi Ralkap cu Mizapi nih kan doh lio cuahmah ah mah pumpak zawnruahnak le miaknak lawng tuak in CDF-Hakha kan cawlcanghnak vialte Ralkap sin ah a phuangmi inntek Chuncungmi nan um sual a si ahcun fakpi in dantatnak kan tuah lai tiah in theihter hna.”

Miphun le ram luatnak ding le damnak ding ah kan zapi rian kan ngei cio ti ruat bu in-

Chinland Defense Force-Hakha Chuncung pawng kahdohnak ah SAC ralhrang 6 an thi i 10 leng hliamhma an pu tiah CDF nih thawngpang an rak chuah. CDF-Hakha lei in Pu Van Biak Tling nih kan ram, kan miphun le Federal Democracy ca ah a nunnak a pek. The Chin Journal May 18, Yangon

Be the first to comment

Leave a Reply

Your email address will not be published.


*