May 6, Hakha le Thantlang ah ralkap nih khuami 9 tlaih, tangka le thilri lakpiak

May 6 ni khat chungte ah SAC ralkap nih Hakha ah Pastor pakhat tel in minung 7 le Thantlang khua lonh ah minung 2 an tlaih hna, tangka le thilri zong an lak, tiah kan theih.

“Pastor tel in tlaih mi minung 7 an tlaih mi hna hi Hakhathar khuasa an si. Cun, Hniarlawn khuami Pu Ngun Hup te tangka sing 10, Lai thilpuan le motorcycle tibantuk zong nihin lila ah khan an lakpiak hna. Thantlang lei zong ah minung pahnih an tlaih fawn hna,” tiah khuami pakhat nih The Hakha Times ah a chim.

“Thantlang an tlaih mi hna hi Lahva lei (Vanzang Tlang le Zahnak Tlang lei kalnak) ah a si. Tuluk nu nih inn a saknak pawng ah an tlaih hna, tiin kan theih,” tiah khuami pakhat nih The Hakha Times ah a chim
The Hakha Times

Pu Ngun Hup te Tangka Ting 10 MMK le Thilri Dangdang SAC Ralkap nih an Lakpiak Hna.Nihin chun Hakhathar ah SAC ralkap nih luh hnawhnak an tuah lio ah Pu Ngun Hup te chungkhar tangka ting 10 MMK le thilri dangdang an lakpiak hna, tiah kan theih.

Pu Ngun Hup te inn an bauh i tangka ting 10 MMK, an fapa nupi tthit lio i laksawng thilri bizu khat, Laithil an fimnak thirkuang kuang 2 le 125 Motorcycle pakhat an lakpiak hna.

Cun, inn dang an bauhmi zong a um rih i, thilri pawl an i kalpi, tiah khuami pakhat nih a chim.

Nihin chun Hakhathar an luh hnawh lio ah Hniarlawnthar Gospel Khrihfabu pastor saya Sang Awi telh in pa pasarih an tlaih hna, tiah thawng kan theih. The Chin Journal May 6, Hakha

Be the first to comment

Leave a Reply

Your email address will not be published.


*