May 31 in June 1 tiang bak nun nak thap in kan khua a kil veng tu kan Senthang Paral tha pawl upat kan in pek hna

Ka palh lo ah cun May thla ni sarih ah CDF nih surkhua Sakhan an rak lak i media poh nih heh tiah an rak post, kan thin cu arak phang bu tein kan rak i lom cio, Kan mah Senthang peng le Hakha peng lawng hmangh si lo in Lai Tlang Sakhan avoi khat nak bik an lak mi Khua asi caah kan rak in zoh thla tuk Kan mah le kan mah tein
Kamlo Paral tha Ram Uk bawi Vankio arak len nak ram ciammam.

May 31 in June 1 tiang bak nun nak thap in kan khua a kil veng tu kan Senthang Paral tha pawl upat kan in pek hna, tuan bia thar nan tial, nan tu fa le sin ah ka rak i tel ve tiin chim ding bia ro sung nan ngei fawn, mi van tha zong nan si Pathian sin mitthli he thla an cam piak mi Daw tu nu pa tam pi nan ngei,

Dalan ruang ah le nan hriam nam adang tuk ko bu ah nizan chun ni tlak nan i thuat pi hna i, tu rawl hmangh hlam lo in mu, lai Cakei timi cu nan mah hi pei nan rak si cu, nan lung dong hlah seh nan ral tha seh law kan lak ti than hna lai cu, Asung kan khan(အရှုံးခံ ) ti si lo in hnu kan i thawn chung mi hi hmai lei ca tha zang kan i lak mi tu si seh. Tei nak in nan rak kir tik ah asung bik mi upat nak he kan in don te hna lai we love our Heroes CDF Tei nak cu Bawipa ta asi.Crd- Global Surkhua Page

Adang relthan:COVID-19 Zawtnak in Rev. Cin Khan Suan a Nunnak a Liam.Tonzaang peng, Cikha khua ah COVID-19 zawtnak in Rev. Cin Khan Suan (kum 73) cu June 1 ah a nunnak a liam.

May 31 zong ah Cikha khua ah naupawi lio nutung pakhat COVID-19 in a nunnak a liam ve cang.

May 26 ah Cikha khua ah minung 100 hrawng thaw dawp-chuah har in an rak zaw i, checknak an tuah hna hnu May 30 tiang ah COVID-19 zawtnak a ngeimi minung 24 an rak hmuh hna.The Chin Journal
June 2, Yangon

Be the first to comment

Leave a Reply

Your email address will not be published.


*