Mawt’aw/saikal He Pehtlai in Theih A Herhmi Upadi

Khuapi chung lawng si ti loin khuate lei khua a sa mi zong nichiar kan nuntu khuasaknak ah mawt’aw/saikal he t’hen awk kan t’ha ti lo. Kan mah pumpak ca lawng si loin zatlang ca tiang khin ralrin a herhmi upadi kan theih ding a biapi ngai. Cun mawt’aw/saikal hi minung kan nunnak he tiang in aa pehtlaimi a si caah a biapi khun. Cu caah kan theih a herhmi le kan i ralrin awk a simi upadi kan zoh lai. Mawt’aw/saikal ka ti tikah kethum ngei (tungbing) le JCB tiang khin a kemh chih lai.

Zapi he aa pehtlaimi lam Zapi he aa pehtlaimi lam hi pumpak ca lawng a si lo timi pakhatnak ah kan fian a herh. Zapi hmanmi lam a si ca ah kanmah lawng zalong tuk i umkal phung a si ti lo. Pawng kam sining he aa tlak in nun thiam a hau. Midang hnahnawhnak pek ding tiang khin zalonnak hman phung a si lo.Rang tuk asiloah daipathlang tuk in mawt’aw/saikal khalh, i citnak kong

Zapi lam ah midang  nunnak ca harnak chuak ding tiangin maw, fahnak pe kho ding tiang in maw, zatlaknak pe kho ding tiang in maw rang ngai in asiloah daipathlang ngai in mawt’aw/saikal kan khalh asiloah kan i cit a si ahcun kum 2 tiang thawng phun khatkhat thlak maw, tangka sing 1 tiang liamter maw, a panih fonh zong in maw sualphawt ding a si. Penal Code 279

Rang tuk in timi cu ralring tein um lo khin hleihluat tuk in, hnawhsare in tuah khi a si. Daipathlang timi cu tuah hnga ding tuah lo, tuah awk a simi kha zulh lo khi a si. Kapkhat lei cun ralrin hna thiam lo tuahsernak khi a si. Mawt’aw /saikal kha rang tuk asiloah daipathlang in kan khalh ruangah mi kan va pah lo hmanh ah meisa tung maw, lam pawng diltlang hna maw kan va pah a si ahcun mah upadi ning in taza cuai khawh a si.

Mah upadi kong he pehtlai in palik nih tlaih khawh cawlhmi a si. Biakamnak ser in um khawhmi a si. Biakamnak ser in um khawhmi timi cu palik nih mi an tlaih tikah palik thawng (lockup) ah hreng loin biakamnak laak i palik auh tik ah kal khawhmi khi a si. Remnak ser khawhmi a si lo. Remnak ser khawhmi a si lo timi cu a ingtu lei he i rem ko zong ah upadi nih remnak a pe siang lo tinak a si. Kan pumpak himnak ca lawng si loin zatlang himnak ca na siaherh a si ahcun rak SHARE ve law.kan peh chap te lai.Credit-Salai Thawngpi

Be the first to comment

Leave a Reply

Your email address will not be published.


*