Maw Chin Pasaltha hna (lungkil ttah-hla)

Miphun le ram damnak caah tiin Dar bang nan kuai thawng cu dah ngai Kan Cinrungpi li bang aa hnin ai ee

Afak dawmhtlaih awk tha loin Zei ton hen nan ton, farkhen tta le hna…Sunghno nan nu le nih thil tlau bang an hun kawl len hi”Khoi hen, pa te, na kut na ke cu” tiin.

Ngam thiam loin a ttapmi nan farle biangcung mitthli hi Nan zapei nemte kha hun chan hna hen u.

Nan ttuan hawi le nih Zanlei buuk nan hung zuan pah in Meh fun cawk pah ding an in cah hna kha Mithram cat in an in hngah hna kha Zanlei niliam tiang… khoi hen nan um ee?

“Miphun caah cun si ko seh” nan ti fam Si le, nan liam siaherh kun hlah uh Teinak thantar he Rungtoi kan khirh tikah Lawmhnak mitthli he kan cuan te kun uh,Pial-ral in.

(Kan naule ruak hmanthlak ka zoh i an ‘kut le ke’ hmuh awk a um lomi ka thinlung a ka khoih tuk caah lungkil in ttah-hla ka hun lawhmi a si.Credit-Salai Ceu Bik Thawng

Adang relthan:Malaysia thonginn chung ah luh khawhnak nawl UNHCR nih a hal mi cu malaysia Home Minister nih a cohlang duh lo hlei ah a bia leh mi cu a fak ngai ko. Home Minster panih “Mah hi kan ram a si, zei ruang ah UNHCR nih kan ram thonginn pawl chung cu va lut an duh” tiah tu ni a press conference( Media paw he ton nak) ah lehnak a tuah. A chim chap mi cu UNHCR card/ catlap a ngei mi hna kan tlaih hna lo a ti rih. Na tein mah bia hi cu a palh bak ko ( an tlaih mi hna an um ko).

A sullam cu Malaysia cozah nih UNHCR cu a hlan lio bantuk in thonginn chung ah lut nak nawl cu fawi tein a pe kho ti hna lai lo. Cu caah Malaysia um Ralzaam mi him nak ding caah cun UNHCR nih mithar pawl le 2019 December i online min rak pek cang mi hna hi a rannak in catlap le card pawl a pek zawk hna a hau.Mah long hi UNHCR nih a tuah ding a tha bik mi si tiah ka ruat cang ko tiah Kei ka hmuh ning a si. Crd- James Bawi Thang Bik

Be the first to comment

Leave a Reply

Your email address will not be published.


*