March 25 zinglei sang ah Hakha Peng CNLD Mino Lutlai Salai Ngun Uk Thang ralkap nih an tlaih

2021 March 25 zinglei suimilaam 1:00AM hrawng ah Hakha Khuathar khuasa Hakha Peng CNLD mino Lutlai ah aa telmi Salai Ngun Uk Thang cu ralkap nih an luhhnawh i an tlaih tiah theih a si.

Hi kong he pehtlai in minung pakhat nih, “Nizaan hi Khuathar lei cu ralkap le palek an tam. Kouhkun in BOC tiang khi an dir. Mi innkip an kingh. Atu Salai Ngun Uk Thang zong hi a inn an kingh i an hon duh hna lo ca ah an boh. An boh dih hnu ah an luhhnawh i atu bantuk in an tlaihnak hi a si,” tiah a chim.

2021 March 24 zaan Hakha i an tlaih mi a tlawm bik minung 10 an si. Cun, lamkam i an chiah mi motorcycle pawl zong an hrawh mi a um.

Cun, khairiat kuan hmang in mizapi an kah hna i minung pakhat fak ngai in hliam a tuar tiah theih a si.Credit-The Hakha Post

Adang relthan:Ralkap Teinak Lam Teinak cu thinlung in aa thawk. Ralkap nih mipi cu kan thinlung ah ttihnak rawn in tei le uk an kan timh tawn.

Hrem, meithal in kah, thih ahohmanh nih kan duhlo, kan ttih ko. Mawtaw 5 in kan khua lei an rat zong, khua chung ah meithal phungpheng an puah zong ah kan lau, kan in ttih hna lo timi lungput (thi) kanmah tein kan irawnh khawh a biapi ngai.

Tthihphaih paoh ah kan con lo timi thi kan ngeih khawh chung paoh cu kan tei hna. Ttihlo ti tikah anmah va zuanhnawh khi ka chim duhmi a si lo. Ttihphannak in kan luatnak hnga le anmah teinak caah ka chim mi a si.

Thilfawi cu a si baklo. Cu a fawilo mi a tuah khomi kha teitu ah an cang tawn ve.Credit-Salai Tk Lyan

Be the first to comment

Leave a Reply

Your email address will not be published.


*