March 14, Hlaing Tharyar meikang le thahnawnnak

Nizan March 14 zanlei sang ah Hlaing Tharyar Shwe i Linban Industrial Zone chung ummi Global Fashion thiláš­hitnak sehzung, Shwe Nagar Dat-myay-awza sehzung le Ngwe Kyae 2 sehzung an kaang. An pawngte ummi sehzung pakhat zong acheu cu a kangh chih.

Acheu nih ralkap nih mei an duahmi si an ti. Acheu nih mipi lei in duahmi a si an ti ve tiah BBC nih a thanh.

Sangmi pawl nih an sang kangh chih lo dingin mei cu heh tiah thah an izuam. Meithat an auh hna nain, lam an phih hna caah meithat motor an kal kho lo.

Ralkap puanthan le thiláš­hitnak sehzung nganpi pakhat cu Sanaymah Bus Stop pawngah a um. Cu sehzungpi tu cu ralkap torlak nih an congh tiah BBC nih a thanh.

Hlaing Tharyar chung i Aung Zeya hleipi par, Yawmingyi lam, Chanthar lam, Tadarphyu i Kyansitthar housing, mikhuat-zay, 86 gate hlun, Hlaing Tharyar sang 124-nak tbk hmun pawl ah ralkap palik nih mibu an kah hna.

Zahan zan tiangah a thimi minung 51 an si cang tiah RFA nih a hlat khawh. Zan sml 8 tiangah Hlaing Tharyar siizungpi ah minung 24 an thi cang. Cheukhat mithi cu siizung an kua hna lo. Sang chung i anmah le an inn ah an ruak an kuat hna.

Zan sml 8 hnu hrawng tiangah mithi 51 tiang RFA nih an theih hna cu si. Hlaing Tharyar zatlang phu pahnih sin in an halmi hna a si.

Cu zan sml 8 p.m. hrawngah Hlaing Tharyar le Shwe Pyithar cu ralkap nih Martial Law an von thanh hna cu si. Myawaddy TV nih a thanh tiah an ti.

March 14 ni ah Yangon khuapi chung lawngah a tlawm bik minung 70 paoh cu an thi lai tiah thawng a chuak. An min le cazin a dikthliar in an hlat cuahmah lio a si.

RFA nih cazin a lak khawhmi ningah cun, Feb 1 in nihin tiangah Kawlram pumpi chung i ralkap nih a thahmi hna minung 130 renglo an si cang tiah a ti.Credit-Salai C Alexander

Be the first to comment

Leave a Reply

Your email address will not be published.


*