Mandalay Nu Sihni Pakhat Cu Rallokap Nih An Vuak Hnuah An Kalpi!

Mandalay khuapi ah Spring Revolution tuah ruang i tlaih le biaceih a tongmi hna man lo, a lak in sihni a tuanpiak tawntu Sihni May Yun (May Win) cu rallokap hna nih May 1, zanlei 2:00 pm ah an tlaih.

A tlaitu rallokap hna nih an kalpi hlanah an vuak ta tiah a chungkhat nih an chim!Atu bantukin rallokap nih mipi caah a lak in sihni a tuahpiaktu hna cu tlaih dingin an kawl hna caah sihni tampi an i thup tiah sihni pakhat nih a chim! Khit Thit Media Chin Post

𝐙𝐞𝐢𝐫𝐮𝐚𝐧𝐠𝐚𝐡 𝐃𝐚𝐡 𝐉𝐞𝐬𝐮𝐡 𝐊𝐡𝐫𝐢𝐡 𝐓𝐡𝐚𝐰𝐡𝐭̣𝐡𝐚𝐧𝐧𝐚𝐤 𝐇𝐢 𝐀 𝐁𝐢𝐚𝐩𝐢𝐭?Jesuh Khrih thawhṭhannak hi thil phun tampi caah a biapi.

Pakhatnak: Jesuh Khrih thawhṭhannak nih Pathian ṭhawnnak hmual a langhter. Thihnak teitu asinak a langhter. Jesuh thawhṭhannak kan zumhmi hi “Pathian a um ko,” ti kan zumhnak tette asi. Pathian a um kan zumh tikah “sermi thil vialte” hi Pathian sermi an si, ti kan zumh asi. Zeizong sertu asi caah zeizong cungah nawlngeitu asi. Thihnak le nunnak cung zongah nawlngeitu asi. Zeicahtiah, nunnak sertu Pathian lawng nih thih hnu nunnak a ser khawh. Thihnak in thawhṭhannak tiang, teitu Pathian asi caah zumh awktlakmi Pathian asinak a lang (I Cor 15:54-55).

Pahnihnak: Jesuh Khrih thawhṭhannak nih Jesuh Khrih nih “ahodah Ka Si” tiah aa chimning tein zumh awktlakmi asinak a fehter—“Pathian fapa ka si, Messiah” ka si. Thawhṭhannak nih Jesuh Khrih cu “Vancung hmelcunhnak” asi a langhter pinah vawlei ah a tuahmi vialte (ministry) hi a dik, tiah a fehter (Mat 16:1-4). Jesuh Khrih thawhṭhannak cu mithmutu tette tampi nih an fehter (I Cor 15:3-8).

Pathumnak: Jesuh Khrih thawhṭhannak nih “sual ngeilo (sinlessness) le Pathian asinak” a fehter. Jesuh Khrih thawhṭhannak nih sual ngaihthiamnak a thanh i Amah thawngin zumtu vialte cu sual chungin luatnak chungah an lut lai (Lam 13:38-39).

Palinak: Jesuh Khrih thawhṭhannak nih 100% Pathian asinak a fehter pinah Biakam Hlun ah Prophet hna nih an rak chim chungmi “biaphuan” vialte a tlinter (Lam 17:2-3). “Nithum hnu ah ka tho ṭhan lai” tiah Jesuh nih a chimmi a tling (Mark 8:31; 9:31; 10:34). Jesuh Khrih hi thoṭhan hlah sehlaw ruahchannak (hope) kan ngei hnga lo. Khamhtu (Savior) kan ngei hnga lo, ngeihthiamtu kan ngei hnga lo, Thawngṭha a um hnga lo (I Cor 15:14-19).

Panganak: Jesuh Khrih thawhṭhannak nih “Jesuh Khrih cu nunnak petu lawng siloin nunnak asi” ti a langhter (John 11:25). Amah a zum mi paoh cu thihnak an tei lai (I Cor 15:53-57). Cun, a rak thi cangmi hna zong an thoṭhan lai (I Cor 15:20).

Paruknak: Jesuh Khrih thawhṭhannak nih “vailam” ah misual caah a thihnak kha cohlan asinak a langhter. Cucaah, a zumtu misual hna nih ngaihthiamnak an tinconak a fehter.

Pasarihnak: Biaknak dangah cun “minung nih pathian a kawl.” Asinain, Khrihfa biaknak ah cun “Pathian nih minung a kawl.” Cucaah, Jesuh Khrih Thawhṭhannak nih Khrihfa biaknak hi biaknak dang vialte nakin a dik deuhnak a langhter. Biaknak dangah cun misual caah Pathian “thihnak le thawhṭhannak” a um lo. Muhammad a thi, a tho ti lo. Guru Nanak a thi, a tho ti lo. Krisna a thi, a thi len. Maha Vira a thi, a thoṭhan ti lo. Zoroaster a thi, a thi len ve. An dihlak in thitu sinah an lo dih. Vawlei ah minthang le scientist mithiam vialte an thi, thlitu sinah a tlau lan.

Jesuh Khrih lawng lawng hi thihnak tei in a thoṭhan mi asi. Cucaah, thawhṭhannak hi a biapi tuk. Jesuh Khrih cu thihnak tei in a tho cang. Thihnak teitu Jesuh Khrih nih cun “ka fanu, ka fapa, nihin na luat cang” a kan ti.
Amen!Siaherhnak he,Henry Nawl Thang Bik
Denmark

Be the first to comment

Leave a Reply

Your email address will not be published.


*