Malaysia UNHCR Tlaihkhih Kongkau Theiter nak

UNHCR le Community Hruaitu Pawl Online Meeting Tuahnak Kan Ngeih Mi Thawng Thanhnak

UNHCR nih 14/12/2020 ah online meeting tuah ding in community paoh paoh cu thawng thanh asi. Ceih ding mi abia tlang pi cu atang lei ban tuk pa 3 hi asi. 1. Tlaihkhihnak kong 2. Registration kongkau card tlau, chungkhar thar benh, mithar soknak le card tet-tan tuu3. Ram 3nk kalnak konkongkau an si.

Registration kongkau:Atu tiang ah minung 36000 hrawng hi card/catlap tet-tan ser piak le bawmh an si cang. Mah chung ah hin card tet-tan tuu piak mi, community zung nih chanbaunak(vulnerable) case in form phit I kuat piak hnu ah catlap pek(Online in kuat) mi, nau ngei ding asi caah UN catlap pek mi pawl an itel dih.

Community hruaitu cheukhat nih cardthlau, card tet-tan dih mi le athar asok mi caan sau asi cang mi thla 4-5 ahngak cang mi pawl zong an um zei tin asi lai tiah ahal mi zong an um i, mah ah an leh mi cu, atu lio caan te ah cun zung hi remh cuah mah lio le pulrai ruang ah zung khar asi caah mi zei hmanh card tet-tan tuu piak le mithar laaknak cu kan ngol dih chung, ho hmanh tuah piak asi lo.

Zung on than tik ah atang rih mi card/catlap thleng ding mi vial te kan thlen piak dih ko hna lai. Community zung zong ah len kai in rian tuan ti dingnak ding le  athat deuhnak khua khannak zong kan ngei. Malaysia hmunhma dang dang zong ah Johor ah kan on mi UNHCR zung teng-nge ban tuk zong hmai lei ah tuah khawh kan itim tiah Thomas nih achim. Ralzaam hi Malaysia ah adih lak ah 180000  hrawng an um I UNHCR rian tuan tu hi minung 180 hrawng kan si tiah minung pakhat nih ralzaam thong 1 tluk tuanvo laak ah atla ti zong abet.

Ram Thumnak Kongkau:Ram thumnak kongkau he peh tlai in Canada nih 2021-23 ah ralzaam 1200000 (1.2 million) ka laak lai ati mi ah hin Malaysia UNHCR nih hin ruah channak cu kan ngei nain zei tin hmai lei thil kal ning cu theih asi rih lo. US lei zong in ralzaam lak ding zong cu aum lai nain IRC-RSC ( US kalnak kong kau ah tuan vo ala tu phu) lei nih zei ban tuk in US lei ah ralzaam kal um ning cang thawng thanh mi arat rih lo tik ah zei hmanh kan thei kho rih lo tizong Thomas nih achim chap. Asi natein ruahchannak tam pi aum ti cu atalh.

Tlaihkhih Kongkau:Tlaihkhihnak kong kau he pehtlai in kan hnu zarh cacawn ni 3 ni tiang kha Malaysia immigration nawl ngei tu he tonnak kan ngei rih ko nain atu tiang thongtla chiahnak camp lei cu tlawn le tonnak nawl zei hmanh kan ngei kho rih lo. Zei hmanh tuah lo in thut sawh sawh cun kan thu hrim lo kan izuam sek ve ko. UN minung tlaih ti lonak hnga ding zong kan chimh chawnh peng ko hna tiah Thomas nih achim.

Achim chap mi cu OPI tlaih khihnak phone nan chawnh tik ah tlaihkhihnak kong asi lo mi tam pi ahal mi zong um asi caah amah le aka zawn chawnh zong hi abia pi tiah achim chap.

Note: Atu acung lei I tial mi hi online meeting chung in aherh deuhnak te lawng kan laak I kan tial mi asi caah afiang lo mi tete aum sual ah cun mah le anaihnak community zung zong ah thawng fiang hal khawh izuam hna usih.Siaherhnak he,
CRC Malaysia

Be the first to comment

Leave a Reply

Your email address will not be published.


*