Malaysia Timesquire ah riantuanmi hna nih kan i ralrin ding

May 17, 2021 ah Timesquire Shopping Mall i dawr neitu le dawr tuahtu hna sinah Timesquire nawlngeitu hna nih theihternak ca an pek hna. Cu theihternak ca an pekmi hna ahcun dawr neitu hna nih cozah lei chuahmi zulhphung tha tein an zulhnak ding le phungninglo ummi ramdangmi riantuanter ruang i Timesquire cung ah minchiatnak um ding hi kan duh lo an ti. Cun phungninglo ramdangmi riantuanter ahcun dawr neitu (boss) te kha thla 6 thong le riantuantermi minung pakkhat ah phaisa 10000 – 50000 tiang liamter khawh asi ti zong an theihter hna. Cun voi 6 fung tuk zong i huah khawh asi an ti rih hna. Cu lawng si lo, phungninglo ramdangmi riantuanter ruang i Timesquire ah rawhralnak pakhat khat a chuah ahcun liamter khawhnak nawl zong kan nei ti zong an theihter chih hna.

Cucaah Timesquire ah riantuanmi Chin miphun hna zong kan i ralrin ngai a hau. Kan riantuannak dawr hi a him maw him lo ti zong hi zoh thiam ngai a herh. Cheukhat cu riantuantu kha phungninglo ummi an si hlei ah a dawr hrimhrim hmanh kha phungninglo in tuahmi zong an rak si ve tawn. UN card nei lomi ca chinchin ahcun ralrin a herh khun.Siaherhnak he CRC

Be the first to comment

Leave a Reply

Your email address will not be published.


*