Malaysia Ti Ralkap Tilawng Cungah Minung 98 Sinin Covid 19 Hmuh

Malaysia Ti Ralkap Tilawng Cungah Minung 98 Sinin Covid 19 Hmuh.Malaysia ram,Tawwin ti ralkap tilawng KD Mahawangsa cungah tilawng riantuan 98 sinin Covid 19 hmuh asi tiah Malaysia runvennak zung nih nihinh ni ah a thanh.

Tilawng cung kai hlan ah ti ralkap Covid zohfel an si i,tilawng cung an phanh hnu ni tlawmpal ah Covid positive an si tiah runvennak zung nih a chim.

Ni 10 a rauh hnu ah zohfelnak tuah an si i Nagitive an si i tilawng in tumnak nawl pek an si lai tiah thawng chimfiannak ah vuanci nih a chim.CNA The Chin Post

Adang relthan:Paletwa Ah Covid Mizaw 7 An Hmuh.Nizan June 8 ah Paletwa ah Covid-19 mizaw 7 an hmuh caah sianginn, market le mipi um tamnak hmun le khual tlawnnak ni 3 chung khar a si.

Covid mizaw an hmuh mi hna hi Paletwa le India ramri Maikwa khua in Paletwa siizungah a rak i zoh ter mi hna an si.
Covid an hmuh ti theih le cangka in market hna cu khar a si i, hmaihuh a huh mi lawng thil cawk khawh a si tiah theih a si.

Paletwa khua mi pakhat nih nihin ah an zohfelmi hna a result a chuah ahcun covid positive zong an i chap kho men. Mizaw an tam ahcun siizung ah a herhbau mi Oxygen dur, PPE le mei zong a herh ngai te lai.

A tutiang ahcun zohfelnak dingah ni 3 chung cu khualtlawn zong kan khap lai tiah kan theih tiin Paletwa khuami nih a chim. KNG The Chin Post

Be the first to comment

Leave a Reply

Your email address will not be published.


*