Malaysia thonginn chung ah luh khawhnak nawl UNHCR nih a hal mi cu malaysia Home Minister nih a cohlang duh lo hlei ah a bia leh mi cu a fak ngai ko.

Malaysia thonginn chung ah luh khawhnak nawl UNHCR nih a hal mi cu malaysia Home Minister nih a cohlang duh lo hlei ah a bia leh mi cu a fak ngai ko. Home Minster panih “Mah hi kan ram a si, zei ruang ah UNHCR nih kan ram thonginn pawl chung cu va lut an duh” tiah tu ni a press conference( Media paw he ton nak) ah lehnak a tuah. A chim chap mi cu UNHCR card/ catlap a ngei mi hna kan tlaih hna lo a ti rih. Na tein mah bia hi cu a palh bak ko ( an tlaih mi hna an um ko).

A sullam cu Malaysia cozah nih UNHCR cu a hlan lio bantuk in thonginn chung ah lut nak nawl cu fawi tein a pe kho ti hna lai lo. Cu caah Malaysia um Ralzaam mi him nak ding caah cun UNHCR nih mithar pawl le 2019 December i online min rak pek cang mi hna hi a rannak in catlap le card pawl a pek zawk hna a hau.Mah long hi UNHCR nih a tuah ding a tha bik mi si tiah ka ruat cang ko tiah Kei ka hmuh ning a si.Credit-James Bawi Thang Bik

Adang relthan:Senthang Peng Khua 7 in Minung 6,000 Hrawng an Zaam Hna.May 31 ah SAC ralhrang pawl Senthang peng ah an rak phak caah Surkhua telh khua 7 in khuami 6,000 hrawng an zaam hna, tiah thawng kan theih.

Surkhua ah cun SAC ralhrang nih khuachung ah meithal ningcang loin voi tampi an puah hnawh hna caah khuami an um ngam ti lo i an zaam dih hna.

The Chin Journal nih kan khawmhsuat khawh tawk ah Surkhua in minung 2,000, Lungkhin khua in minung 600, Phaizawng minung 500, Aikah minung 800, Siatlai minung 500 le Lungrang khua in minung 700 hrawng an zaam hna.

Loklung khuami minung 800 in 1,000 karlak hrawng zong May thla thih lei ah an zaam dih i atu tiang khua an hlam kho rih hna lo.

Khuachung ah a taangmi hna cu kum upa tar deuh lawng an si hna, tiah thawng kan theih.The Chin Journal June 5, Hakha

Be the first to comment

Leave a Reply

Your email address will not be published.


*