Malaysia MCO (moment control order) chung ah tuah ding le tuah lo dingmi

Malaysia um Chin miphun hawikom dawt hna nan umnak cio ah Bawipa nih himnak in pek ko hna seh.

Kan theih cio bang Malaysia cu Covid-19 zawtnak a zor khawh hlei lo caah lengchuah vaihvaih phihkhamnak (MCO) cu state 6 ah a thar in an thawk than. January 13 – 26 tiang asi lai. Hi chung ah tuah ding le tuah lo ding hi theih a herh ngaingai.

MCO chung ah aa telnak state ah a ummi hna cu lengchuah khawh asi lai lo. Cun eidin tirawl cawk duh achun innchungkhar pakhat ah minung 2 lawng chuah khawh asi. Kan umnak inn in 10 km chung lawng ah cawk khawh asi lai. Eidin dawr (retaurant) ah thut in rawlei khawh si lai lo, i fun (bungkos) lawng a ngah lai.

Cun thitum puai tuah le Birthday tuah a ngah lai lo. Lentecelhnak phunphun zong phihkham dih asi. Na zawt sual i sekhan le sizung kal na duh ahcun na ummnak in 10 km chung lawng ah kal khawh asi lai.

Poipang pakhat khat kan ton sual ahcun CRC ah thawngthanh khawh rak i zuam hna uhsih.Siaherhnak he CRC Malaysia

Be the first to comment

Leave a Reply

Your email address will not be published.


*