Malaysia kan chin mino pawl nih Chin ram CDM caah an rak khawlh mi tangka cu ni hin ah kuat dih a si cang.

Malaysia kan chin mino pawl nih Chin ram CDM caah an rak khawlh mi tangka cu ni hin ah kuat dih a si cang.

Kan Kuat mi a dih lak RM 112,156 a si i Kawlram MMK in cun MMK 33,422,331 a chuak kho I mah chung in Chin ram lei ah direct in a hmasa bik testing ah kan rak kuat mi cu MMK 500,000 a rak si i a chuah an rak i har tuk caah MMK 32,922,331 hi India lei tu in kan kuat than hna. Kuat man a dih mi hi RM 320 a si.

A cung lei tangka zat hi Rupee in MMK ah an tleng hnu ah thawng an rak kan thanh mi ning tein kan rak langh ter mi a si i kawlram lei tuanvo ngeitu hna nih Township pa 9 ning tein a si khawh chung in an rak phawt dih te lai tiah thawng thanhnak tuah kan in duh hna.

Kan mino hna cung ah zumhngamnak he an raintuannak cung ah thaazaang a rak chuah tu le a rak pechan tu nan dih lak cung ah ram le miphun caah Pathian nih thlawchuah in pe chin ko hna seh. Malaysia Chin mi nan dih lak cung ah lawmhnak tampi kan ngei.
Credit-James Bawi Thang Bik

Kalay Civil Army pawl nan raltthatmi ruangah upat pektlak bak nan si. Sihmanhsehlaw ral tthat i strategy tthat lo ahcun, mipi lei nunnak tampi a liam lai; ral teinak siloin sunghnak tu a si lengmang ko lai.

Atu ah Kalay khuapi chung kiangkap ah ralkap an umtuning kan hawipa nih fiang tein a hun langhter ko cang hih. Mipi lei nih lam kan phihmi zawn khi an dihlak ralkap nih hnulei, sir lei in, hmailei ti in all direction in an luh hnawh khawh.

Cucaah kha bantuk in ralkap dir onh kha cu mipi nan nunnak caah a him lo tuk, ttihnung tukmi si. Anmah ralkap caah a him bikmi raltuknak a si fawn.

Ral fir in an kalnak kip ah ngiat i voi thum voi li kah i khuika in an kan kah rua ti awk an hngalh manh hlan ah tlau tak lengmang khi pei, ralkap caah ttihnung tukmi ral tuknak si cu.

Khuami le ram ngeitu, hmunhma hngaltu kan si nak cu, ral fir in kah i um thiam lo, tthu thiam lo le lungrethei zungzal in kan tuah khawh hna nak tu ah langhter a si hnga lo maw?Credit-Hram Bik Lian

Be the first to comment

Leave a Reply

Your email address will not be published.


*