Malaysia i Chin tlangval kum 20 hrawng cu a rian in inn a tlunlei Sri Petaling ah palek nih an tlaih i tlanh a ngah lo ti a si caah lung re a thei ko.

FULL-MCO AH ZEIDAH A CANG. 04-Jun-2021 (8 pm hnu) ah Zangiat community Malaysia i tlangval kum 20 hrawng cu a rian in inn a tlunlei Sri Petaling ah palek nih an tlaih i tlanh a ngah lo ti a si caah lung re a thei ko. UN card a ngeimi a si ko nain tlanh a ngah lo hi a si. Cozah nih chawhvah le rian in tlunkal a onhmi caan cu 8:00 AM – 8:00 PM chung a si caah zing pariat hlan le zan pariat hnu cu tlaih khawh na si zung tinak a si. FMCO or Total Lockdown ah rami, passport a ngei le UN card a ngeimi ti a um lo; tlaih khawh kan si dih caah kan i ralrin deuh a hau ko.

Malaysia pawl or rammi pawl cu cozah nih zan 8 hnu cun inn ah um ding an lem (While there will not be a curfew, Malaysian are urged to stay home after 8 PM) hna.Ngakchia kum 12 le kum 12 tang pawl zong lakhruak poipang (emergency), cawnnak (education), si i thlawp (medical treatment), le ngandamnak caah cawlcanghnak – taksa cawlcanghnak tuah (exercising) ruang dah tilo leng chuahpi lo ding an si.

FMCO a si caah kan zaa a long sual i innkhat hmunkhat ah phekah, zudin le biazaa phaiin caan lak ding kan si fon lo; kan inn cio te ah um ding tu kan si deuh. Pawngkam nih an kan report sual ahcun zei theih lo kar ah thonginn a phan kho dirhmun kan si. Nikum MCO lio an tlaihmi hna zong tlanh awk an tha lo i Kawlram ah an kuat hna tikah kan unau cheukhat khuika an phanh an thongpang theih a har ko cang. Cucaah FMCO/Total Lockdown ni 14 (June 1- 14) chung cu a ho hawi le chungkhat inn ah lenkainak tuah loin kan inn cio te ah kan i erh ah a him bik ko lai.Crd-CRC

Be the first to comment

Leave a Reply

Your email address will not be published.


*