MAH/SAC ralhrang zong hi Buu pakhat nih an tei lai lo.

Generation Z chan ahcun “Networking” hi number one  a si cang. Hlan chan bantuk in Babel innsang bantuk sak le, Roman Empire bantuk in buu pakhat tthawn caan a si ti lo.

MAH/SAC ralhrang zong hi Buu pakhat nih an tei lai lo. Buu kip riantuanttinak/ networking strategy lawng nih a tei lai. Cucaah, ram chung lei Generations Z pawl an “network” a ttha tuk. Cucaah, an tei hrim hrim lai.

Kengkip ah SAC ralhrang dohtu buu an von pawt lulh ciomi hi MAH nih a ttih bakmi a si. Zeicatiah, networking in an von ttanti tthan tik ahcun, hngerhte/ ants bantuk in, a chungrel tiang minutes ah a ei colh khotu an si kha aa fiang tuk. 

CDM movement zong hi kan pale nih networking in an von kal colh i, tthathnemnak tampi a um.  Ram lenglei activities zong hi networking a biapi taktak.

Cucaah, atu kan chan/ generation Z chan hi network in riantuan chan a si caah, buu thar nan hmuhmi tete hna kha, khuaruahhar ding a si lo. Network caah a biapi bakmi thihri pakhat cio an si tiah ifiang ding an si.

Zeitindah buu pakhat le buu khat, tlang khat le tlang khat, khua khat le khua khat rian kan ttuan tti khawh lai, tiah “networking strategy hi biapi ah ruat cio chan kan phan.Credit-Zasang Cinzah

India  ram ah biatak tein Covid a karh. India le Pakistan in a rak lutmi passengers paoh ni 30 chung, Canada ram lut lo ding in, Canada  Cozah nih tuzan in a kham.

New Delhi ah Chinmi khuasa zong biatak tein an zaw tiah thawngpang a leng. Chungkhar, chungkhar in a zawmi an um tiah an chim.  Cucaah, New Delhi khuasa kan unau hna caah thlacam bawmh an herh tuk lio caan a si.

Canada  ram zong ah A voi 3nk lockdown an phuan. 2021 hi Kum ningcang lo a si. Khua caan zong a dik lo. Tthal/summer  a chuak cang lai ti lio ah, Snow  hna tawr a tla salam. Covid lawng siloin, Seasons flu  hrim hi a karh khunmi a lo. 

Covid le, Min Aung Hlaing ralhrang he, 2021 cu  muinak nih a khuh.  Dawtnak le lungrualnak he kutsih in muinak hi tei izuam hna usih.Zasang Cinzah

Be the first to comment

Leave a Reply

Your email address will not be published.


*