Lunglawmhpi nak: Zephai khua mi Pu. Lian Mang le Pi. Vang Hnem hna i an fapa

Lunglawmhpi nak: Zephai khua mi Pu. Lian Mang le Pi. Vang Hnem hna i an fapa Salai. Thang Za Bawi cu Wabash College ah volleyball celh kho dingin an cohlan i scholarship zong an pek chih caah Zophei tefa vialte nih kan in lawmhpi tuk hringhran. Indiana ah Kawlram mi khuasa mi chungin college volleyball celh dingin an cohlan hmasat bik mi asi caah kan i lawm khun. Hmailei volleyball a celhnak ah siseh, sianginn a kainak ah siseh Pathian nih umpi in lamhruai hram ko seh.

We would like to give our heartfelt congratulations to Thang Za Bawi son of Pu. Lian Mang and Pi. Vang Hnem from Zephai village who is accepted and offered a scholarship to play volleyball at Wabash College. He is the first Burmese ever in Indiana to get accepted to play volleyball at a college level. We wish him success in his volleyball career and studies! We’re very proud of you!By-ZCA/Y

Hakha ah Ralkap nih Anmahte in Vote Relnak an Tuah Than :Hakha ah ralkap (SAC) nih peng/myone panga i vote pawl zohfelnak anmahte in an tuah tthan, tiah thawng kan theih.

Atutan hi ralkap nih November 2020 thimnak i Chin ramkulh chung vote pawl zohfel tthannak a voi 2nk an tuah a si.

Hakha, Thantlang, Falam, Tedim le Tonzaang vote pawl zohfelnak an tuah, tiah NLD chan Chin ramkulh Election Commission Chairman Pu Uk Nawl nih a chim.

“April 9 ah Hakha le Thantlang vote an zohfel. Cun April 10 ah Falam, Tedim le Tonzaang i vote pawl zohfelnak an ngei. Mah dih hin Thlanglei Laitlang i vote pawl an check tthan lai,” tiah The Chin Journal ah a chim.

Ralkap nih uknak an chuh hnu in vote rel tthannak voi khat an rak tuah cang. Cu lio ah cun Chinram Election Commission chungtel upa tampi ralkap nih Rungtlang ah an chiah hna i, Chinram chung ohsuh 4 i vote an rak zohfel hna.

Asinain, ohsuh 4 i vote an zohfelmi a phichuak langhter a um hlan ah cunglei nih vote relnak rak ngol u an ti hna caah an ngol i Rungtlang ah an hrenmi upate zong an thlah tthan hna.

Atutan Chinram chung vote rel tthannak a voi 2nk ah NLD chan i Chinram Election Commission chungtel upa pawl an au ti hna lo. Myanmar ralkap nih rian an khinhmi hna vote reltu pawl lawng nih an tawlrel cang.

Chinram ah cun Dr. Ba Maung nih a hruai hna i Uknak lei zung, Palik zung le La Wa Ka zung tibantuk in rianttuantu pawl nih vote zohfel tthannak an ngei.

Pu Uk Nawl nih, “Atutan vote rel tthannak kong ah keimah nih ka theihmi zeihmanh a um lo caah minthutnak zong ka tuah lo,” tiah a chim.

The Chin Journal April 11, Hakha Hmanthlak: Tedim in Hakha lei ah vote rel ding pawl ralkap nih an rak phorh lio.

Be the first to comment

Leave a Reply

Your email address will not be published.


*