Lunglawmhnak Thawngtha

Vawlei lei nih a chuahpi mi thawngtha kan timi hna hi, a hmunmi an um loh. Cikkhat teah an uai i an ziam, an tli i an rawk than.

A rawk kho lo i a hmunzungzalmi thawngtha cu Van lei in vancungmi nih kan sinah an rak phuan cang. Vancungmi nih cun, “Nan thinphang hlah u; zeicahtiah nan sin i ka ratnak cu nan ca i thawngṭha he a si, cu thawngṭha nih cun mi vialte sinah lunglawmhnak a tlunter lai. Tu zan hrimhrim ah hin David khua chungah nan Khamhtu kha a chuak cang Khrih Bawipa cu! Luka 2:10-11

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah Isaiah 61:1

Vancung in lunglawmhnak thawngtha phuan a si bantuk in Harsa , Nun sifak, Lungkuai, sualsal a tangmi, zawtfahnak phunphun le buaibainak thong chung ah a tangmi vialte hna lunglawm in A sang bik van ah khin kan Pathian cu sunparnak pe hna usih, zeicatiah a dawtmi hna umnak kan vawlei ah hin remnak, daihnak le luatnak Kan Bawipa Jesuh Khrih nih an kan phurh cang! Cucu thawngtha vialte lakah a sunglawibikmi thawngtha a si.Halleluja. Kan Pathian cu thangthat si ko seh! Credit-Sarah Ngun Doi Fam

Be the first to comment

Leave a Reply

Your email address will not be published.


*