Lungding khua nih vulei lei he biaknak lei he pacan ah kan i neih kan i bochan mi Rev. Tial Peng Thawng tha pa nih mual a kan liam tak

Lungding khua nih vulei lei he biaknak lei he pacan ah kan i neih kan i bochan mi Rev. Tial Peng ( Thawng tha pa) nih mual a kan liam tak cu kan tuar kho hrim lo e, kan siang rih hrim lo, kan ngaih a chia tuk hringhran ko. Kan siang lo ti zongah Pathian khuakhan cu khamkhawh silo, kan suttung pi cu a kan pur tak ruangmang ko.

Rev. Tial Peng hi Pathian rian pensen tiang tlamtling tein a tuan mi a si. Khua mi sifah santlailo a zohkhenh tu hna a si, mi thleidan a hmang lo, mitha, mi nunnem, mi lungsau a si. Ramchung ramleng khuami a kan funtom tu le Lungding khua kum 200 tlin nak puai tlamtling tein a kan tuah pitu a si. Krihfa kum 100 tlinnak centenary tuah pi a kan timhpi lio le biak inn luhnak tuah ding in a kan thit hruai lio ah a rian atuan mi a Pathian sin ah a kan dinh tak hi a si. Khuami le khrihfa bu zong nih upat nak he Biak inn hmai ah a thlan zong an tuah piak cia i an vui lai. Tantak mi chungkhar Bawipa tu nih in hnem in umpi ko hna seh.

Kan ram boruak ruangah na ruak zong kan hum kho lo, tuzing ka hong inn thlah mi le na kut kan tlaih mi te kha kai rinh ko ne lai mu. Zungzal mang tha.Kan ram boruak ruangah thlathum chung mihrut bang holhlo, tial lo, chim lo, nun sivang le thlakam in ka um lio ah Rev. Tial Peng upat pek nak caah ka vun tial mi te a si. Credit-Lal Maung Cung Cinzah

Chin mi chung in CDM lut lomi palek le ralkap hna i tuak uh, Min Aung Hlain caah ral nan doh, nan thih zongah an thi lo, an nung ko tiah nan pu Min Aung Hlain nih na chungkhar, na khua le vawlei pi sin ah a thanh lai, hihi na ruah ah na celh ko maw.

CDM alut mi le ralkap ado mi hna cu an thih cu chim hlah, hliam an tuar hmanh ah upatnak roca le ram ca pasal/nusal sinak mipi nih kan pek hna.

Nan nih Min Aung Hlaing caah meithal aa tlaih mi palek le ralkap pawl, ralkut in hliam nan tuar cu chim hlah, nan thih hmanh ah nan pu Min Aung Hlaing nih aa theih ter duh lo, an thei hna lo, amah MAH caah harnak le thihnak na ton hmanh ah khuaivah seh hmanh,atluk lo an ti piak mi hna hi ruat,,, Min Aung Hlaing caah hmanh ah na nunnak na sian ko ahcun mipi caah nunnak pek cu thil har asi tung lo. Khua hi tuak deuh uh. CDM luh kan in sawm mi hna hi miak kan duh caah asi lo, na thlah hlawh kan hnahchuah ruang ah asi lo. Nangmah le na chungkhar kan dawt caah le rampi khamh kan duh caah pei asi ko.

Min Awng Hlainh ca thih maw na ham lai mipi ca thih dah?Min Awng Hlaing ca thih cu zungzal thihnak Mipi ca thih cu thawhthan nak Min Awng Hlaing ca harnak ton cu sunghnak Mipi ca harnak tuar cu zungzal luatnak By,Lai Ram Liapa

Be the first to comment

Leave a Reply

Your email address will not be published.


*