Loikaw lei ah ralhrang rallokap 325 An Kal

Loikaw lei ah a kalmi ralhrang rallokap hna cu Tantawng peng Yiado khua in zaankhat le Shan ramkulh thlanglei Sanaihpaedo in zaankhat an riah hnu ah nihin zing suimilam 10:00 AM hrawngah Loikaw lei ah rallokap 25 hrawngah an kal.

A tangmi ralhrang rallokap cu zaanlei suimilam 1:00PM hrawngah minung 300 hrawng ke in an kal i,thilri khat ten a phurmi mawtaw (8) zong a tel.Ralhrang rallokap an kal lio ahhin Telenor Line an thah.News– Paung Laung Media Photo Credit – TharlikarThe Chin Post

Adang relthan:Siaherhnak he.Naihrawng ka rian tampah caah fb hrim on caan ka ngei lo, ka umnak le line tha fawn lo, ram le miphun ca nunnak pe mi le harnak tong mi kan mino hna, kan ram thil sining zong ka van bih thiam lo, atu ceo cikkhat ka van bih khawh.

Ralrin le khua thuk piin ruah ahau mi1. 2008 phunghram tang ah rak hman mi cozah hruainak kha Min Aung Hlaing nih mipi kan sin ah aa kan pek than zong ah cohlan lo ding abiapi ngai. Zeicatiah 2008 kha a nung than khobmi asi caah hi thah cang mi 2008 phunghram tang i federal kong caih cu asi kho ti lo caah Min Aung Hlaing nih election teinak kha mipi sin a up than zong ah cohlan lo ding abiapi.

Atu hi ralkap lei mifim pawl hna hmanh nih nawlngeihnak hi mipi pe ko cang hna tiah an forhfial cang caah thil kalning aa thleng kho mi asi.

2. Ralkap kan doh tik ah mipi nih lam kaupi na kan onpiak aherh ngai. Cheu khat cu ahimnak ah an i dor cang hna, hihi an ralchiat ruang si lo in ralkap dohtu ding CDF, CNF le khuakip mino hna nih remhreh tein le hmual ngei taktak, zalong taktak in ralkan tuk khawhnak ding lam aa kan,ser piak mi asi. Mipi nangmah le keimah kan zam lo ruangah ralkap kah doh awk thalo in kan um ahcun ralkap doh afawi lai lo caah ralkap doh khawhnak ding le kan tei khawh nakding ah mipi hi dawnkhan tu kan sinak hnga  lo ahimnak ah i dor ko hna uish. Ralkap dohtu hna nih zalong te le mipi harnak an ton lo nakding in kan cawl cangh hi aherh ve mi asi.

3. Dalan asi tiah hngalh mi hna hi fb in ralrinnak cathanh tuah ti lo ding, dalan tuanning chinh he aa lo caah dalan ti theih mi cu athli in tlaih le thah thluahmah an tha deuh.

4. Furpi khuacaan ah ral atho kho mi asi cang caah furpi thutdir hi afawi lo caah ngandamnak le himnak lei ah pumpak, chungkhar le khuakip in thazaang chuah taktak aherh lai.5. Ral kong ah khua mi sawsawh nih thawngthanhnak tuah lo in raltu ding CDF, CNF le,mino hna thawngthanhnak le,lamhruuinak tang ah upa, ngakchia kan um dih aherh lai.

Pumpak hrim in nawlnak1. Ralkap doh lio ah ka hawi kom, ka unau, ka chung khat chung in dalan na tuan le ralkap na dirkamh mi nan um ahcun, unau, chungkhat, le,hawikom sinak lam chah asi ko lai.

2. Aherh ning in nan cung ah ka duh lo tuk mi tuahsernak kha ka tuah caan aphan te lai caah aruah zia thiam ko ne, ka ton ding asi ko tiah na cohlan aherh lai, unau, hawikom le chungkhat cung i harnak pek cu ka duh lo, ka ngamh lo nain atu lio kan ram buainak sining le federal ukcaah kan cawl lio ah nang vial ralkap lei na dir poh ahcun ral kan si ko ti kha hngalh camcing ding thawng kan thanh cia.Caan karlak te ah ka van in langta ko hih By:Lairam Liapa

Be the first to comment

Leave a Reply

Your email address will not be published.


*