“ Live “ thlah i bia a chimmi pawl “ Live “ thlah i bia a chimmi pawl cheukhat cu phungchim in an chim tawn.

AHOPAOH Atulio cu ahopaoh nih “ live ” thlah i biachim cio a si(Kawl he Lai he). Ahopaoh thlahmi “ live “ zong kha ahopaoh nih ngaih duh dih cio a si ve(Kawl zong Lai zong). Zeicadah tiah, zahan zeidah a cang i, nihin zeidah a cang timi ahopaoh nih kan theih duh dih cio caah a si.

“ Live “ thlah i bia a chimmi pawl “ Live “ thlah i bia a chimmi pawl cheukhat cu phungchim in an chim tawn. Crusade chawng “tette khaan” bantuk in a khaanmi an um ve. Thawngthanh a si ko i, thil theihter a si ko caah a herh lo mah khakha. Theihter an kan duhmi le hngalhter an kan duhmi kha ‘’cuticun a si i, khatikhan a si’’ an ti ding a si ko. Nan kan ngaihpiak caah kan i lawm ti zong a herh lo i, a dongh tiang nan kan ngaihpiaknak lai kan in nawl hna ti zong a herh fawn lo. Phungchim a si khe lo cu mu.

Ngang cawk an si lo.Biachim a harh tukmi an um tawn. Huamsam tein a chimmi zong an um hoi. Hawi kan hngak ta hna lai ti riangmang i, a biachim a ngaitu vialte zong hngahter dih ve bantuk phun khi. Khoita rih u ti riangmang i, holh ti lo bakin an computer hna remh salam bantuk phun zong khi. Lakphak hna a ding huarmi le ca hna a rel huarmi hmanh an um.

Ngang cawk an si lo. A chim cia aa nolh ṭhan lengmang zong an um rih. Chuak lak chim loin, “umm-ee. aw-aa” a tam tukmi an um len fawn. A tawi khawh chung tawi le a fiang khawh chung fiang in chim i zuam ding a si. Biachim aa harh bakmi hna le “umm-ee, aw-aa” a tam tukmi hna cu “ live “ an i thlah ve lo hmanh a ṭha deuh.Na holh a tam, ngaih loin kal taak ko ka ti ulaw, ‘’ngaih cu pei ka duh ve fam cu’’ kan ti ko hna lai.
Credit-Perhkalh Thanwg

Be the first to comment

Leave a Reply

Your email address will not be published.


*