Levi Sap Nei Thang maw a sung deuh, Kawlram mi dah?

Minung pumpak zong in siseh, ram zong in siseh, miphun le a bu zong in siseh kan zoh tik hna ah mi santlai lo deuh le mi sifak deuh hi harnak, sunghnak, vanchiatnak le puicimhnak nih a tlun hnawh deuh hna. Tahchunhnak ah Kawlram (Myanmar) le Chin miphun. Kawlram hi santlai lo, ram sifak, a lamkip in a tthangcho lomi ram kan si i sunghnak a phun2 kan tong. Suh Kyi bantuk Kawlram ah hi hnu kum 50 chung hmanh ah an chuak ti theng lai lo. Mah cu Kawlram hruaitu le sersiamtu ah caan ttha kan pe duh lo. Kum 75 a si cang i a rauh hlan ah kan sung zau lai. Sihni Ko Ni tluk a zami an har lai Kawlram chungah. Amah zong kan sung cang. Atu Kawlram a buaimi zonghi aho hmanh nih zeitik ah a ttha te lai timi kan chim kho lai lo. A lam kip in a rawk tthan cuahmah cang. A chung um minung hrimhrim hi san kan tlai lo. Mi vanchia hrimhrim kan si ko rua ka ti.

Chin miphun lak ah siseh, Kawlram pi huap in siseh, Kawlram caah pumpak in bawmhnak tambik a petu Levi Sap Nei Thang kan sung fawn. A facebook i a ttialning a si ahcun Kawlram caah bawmhnak pek a tim ti lo. US ram ummi Kawlram mi nih a phun2 in kan soisel, kan thangchiat, taza kan cuai, a phun2 in harnak le fahnak kan pek ruangah a lungrawk, a lung a dong cang i Kawlram caah bawmhnak ka pe ti lai lo a ti. Minung a si ve tik ah chamhbaunak a nei ve ko lai. Palhnak zong a tuah ve ko lai. Nan mah a chambaunak le a palhnak nih cun Kawlram minung caah sunghnak tampi a chuahpi lai ka zum lo, fiang tuk cun ka thei lo nan.

Keimah pumpak in Sapte hi Nargis bawmhnak a pek lio tein a konglam hi ka rak theihpah ve cang. A tlangpi cun a thil tonmi hi i hnahchuahnak men a si ko tiah ka ruah. Biaknak lei boih a nei, biaknak lei ah a fel/a pe, minung a si ve tik ah sipuazi zong a tuah pah ve, mi bawmhnak zong tampi a tuah pah fawn, a dangdang lei zongah hehtiah a si khawh tawk tein a cawlcangmi a si. Kawlram pumpi huap in amah bantuk nu hi an har lai ti u sih law kan palh theng lai lo dah. Mah cu a phun2 in kan tthuat i atu cu lungrawk le lungdong in kan chiah/kan tuah. Kawlram minung thluachuah hmu lo ding le mi vanchia hrim kan rak si ko rua dah ka ti. Keicu Sapte hi ka zaangfak ngai. Kan tuahto ning hi ruat tikah Pathian a hna a tla hnga maw ti hna ka ruat. A takte cun amah nak in kanmah kan sung deuh.Credit-Van Tum

Be the first to comment

Leave a Reply

Your email address will not be published.


*