Leirawitu/ဒလန် hna hi an si tak le sitaklo hngalhfian loin puh le sualphot len hi dothlennak caah atha tiah ka ruat thlu lo.

Tulio kan dothlennak thlihran zoh tikah “Dalan/ဒလန်/Leirawitu timi nih ralhrang pawl nakin a kan runhdeuh. Hihi ruah ngaingai kan hau mi cu ဒလန်/Leirawitu hi kan huat le kan duhlo ruangah asi ko nain hi nihhin kan thinlung ah fak tukin hmun a khuar loding a biapi ngai. A hleice in Dalan/Leirawitu an si taktak mi a fiang loin puh le sualphot hrim kha kan dothlennak lampi a soksam tu asi kho. Aruang cu..

1. An si tak pek sitak lopek ah kan puh lengmang mi nih kan mipi thinlung ah ဒလန်/Leirawitu timi ţihphannak le a khahter lai i Ralhrang thazang a ţhawnter.
2. Kan mipi chungah thinlung ruahnak ţhencheunak a chuahter lai caah dothlennak thazang a zor kho.

Cucahcun hi Leirawitu/ဒလန် hna hi an si tak le sitaklo hngalhfian loin puh le sualphot len hi dothlennak caah atha tiah ka ruat thlu lo. Ahleice in kan hngalh ve ding cu Ralhrang pawl khi raltuk thiamnak thla 6 chung a cawng mi ansi caah ral sining phunphun kha an tuaktan ve tikah “hika hin an kan bawh kho, hika hin an um kho, hitin kan um ahcun kan him kho” timi tuaktannak he ralram ah an kal ve tikah kan ruahning lo in an cawlcang lengmang ve lai i kan tinhmi le kan bawhmi kha an ruahmi he aa lawh tikah kan sining a hngalmi an lawhcan tampi a um kho. Cucu Dalan ruang silo in ral sining a hngalmi ralbawi fimthiamnak ruang tuah a rak si. Cu ahcun Dalan ah buaituk lo hi tulio kan dothlennak ah a biapi. Dalan ansi hngalh ahcun fimhlom colh kha a ţha.Credit-Peng Hlawn Ceu

Be the first to comment

Leave a Reply

Your email address will not be published.


*