Laitlang vawlei hi a rak cang ko tin proofnak

Chinram vawlei hi a tlang pi’n phunthum ah then an ngah. Cu pawl cu;Lungno le tlaklei aa cawh i a cin peng mi Ekinn khor cawh tik le innhmun chunh tik ah aa thei tuk.

A zungzal a cin peng i lungno tete hna khi vawlei in lung aa can hnik caah a chuak ti nakin a zungzal a cin peng caah lungcang hna vialte acid dah le ruahti le nikhua nih a ciah peng ruang ah  an mawt dih tin 100% ah 80% a si kho deuh.Khi lungno tete hna khi zoh peng law zei tik hmanh ah lung an icang kho ti lai lo kum 10,000 hmanh va rau seh!Ekinn khor pe 12 hrawng kan cawh i cangvut buu kan hmuhnak khi a cinnak a dihnak zong a si kho, a si cun khi a tang khin leitak cu a um lai.Horkuang deuh le tlang in a rawnhnak  ah a ummi vawlei khi .

Lungno tete le tlakro aa cawh mi vawlei.
A cung bantuk in aa cawhdan le a umdan cu aa khat dih nain anih cu a ro peng. A cung bantuk in lei in lung aa can hnik caah a chuak ti nakin a rawk tin zumh a um deuh ve.

A tlang pi’n ram lawngte a kheuhnak tang i vawlei le ramcawh (hramh le thingkung-far aa cawnak vawlei) hmun khi.Lung hmun le leivawr tak aa cawhmi vawlei Hmawng le tuupi taktak a tang cun hi bantuk an si ngawt dih.

Mithmuh bak in theih khawh mi cu;Blackseal tlang Khikhi vawlei in lung aa can hnik caah a si kho lo, ahlan taktak mi chan khin lung tak bak a rak si lai i nikhua le ruah nih a hrawh caah ti khin a chuak kho deuh. Blackseal khi chia peng law zei tik hmanh ah lung aa cang ti lai lo kum 40,000 hmanh va rau ko seh!Mit hmuh bak in tlang  a niam chinchin i caan a rauh cun blackseal a tam chinchin.

Lung a deng tawn mi le lungrian (Quarry) ah a tuan tawn mi nih an theih lai.Vawlei leng ah chuah cia mi lungcang tete hna khi nikhua le ruah nih a tuai lengmang tik ah aa then thek dih i a cheu cu blackseal bantuk in an mawt dih.

Cun socerpa nih a kih a lum le khuacaan nih thil a thlenter i a sersiam khawh tuk ti cu a fiang chin lai.Tlakrawh kong le socer kong in aa thei bik.Tawhrolh le zei paohpaoh kan chiah tak mi a ngawn dih, sau tuk kan chiah lo mi zong an ngawn.

Laitlang a tla mi ruah hi acid a tam tuk a fiang. Leinem le leilai (သက်နု၊သက်လတ်) a rak si cun duh sah tein thil tete hna hi step by in an can chin ding a si. Atu cu (0) ah a phakter dih hna, kai lei sang a um lo, lungcang chuakcia hmanh an rawk dih.

Cun Laitlang a rak hmunnak hi kan theih tawk Lailun tiang kha chia ko u si law kum 500-600 +1400 chung ah lung ah aa cang hnik mi hmuh khawh ding a um ding a si. Cun lei tang in Fossil pakhat khat cu amah tein a  chuah ve awk a si hrim. Fossil cu a cung bik pathumnak Leivawr tak le lung lawng te aa cawhmi hmun cun a um ko. Nain thinghram le thinghnah le thingkung lawng hmuh ding a um. A cung bik 1 le 2 vawlei khi nikhua le ruah nih a hrawh i a hlanh khawh zat a si, khi a dihnak ah leitak a um lai.

A cung bik 3 khi ziah a cung bik 1 le 2 bantuk in a um ve lo ti cun acid he aa cawhmi ti kha tuhmawng le ram nih a dawp khawh tuk i thing le ram nih nikhua a sersiam caah a rawk kho lo.Huap in Africa ram sui a tlangtlang in a chuahnak zong Lailei vawlei bantuk hi a si ko.

Kachin ram Lungvar khor le Rakhine i meialh hang a chuahnak vawlei zong khi a cung bik pathumnak vawlei phun a si ko.Laitlang vawlei tak or ruahpi ruang i a chuak mi ti nih lei tang ah  a va phanh lonak leitak hmun kan hlai tik cun zei paohpaoh Laitlang in a chuak kho.Ram sifak kan si lai lo, caankhat khat cun an hlai dih lai i a rum bik kan ichuah kho dih.Credit-Ceuhmun  Thang

Be the first to comment

Leave a Reply

Your email address will not be published.


*