Laitlang ah Ralkap nih License Ngei Meithal Zong an Apter Hna

Laitlang chung ah License a ngeimi meithal vialte zong ralkap le palik sin ah ap dih ding in hmun cheukhat ah thawngthanhnak an tuah, tiah kan theih.

“Nihin ah khan ralkap nih license ngei meithal zong ap dih ding in thawng an thanh. Ahlan uktu ttthing pawl kha ralkap nih an fial hna i thawng an thanhter hna,” tiah min langhter duhlomi minung pakhat nih The Chin Journal ah a chim.

Meithal ngei hna nih ap awk a si le si lo kong ah lung-awttawm in an um ve hna. Asinain, kan ap lo ah a ttha deuh lai tiah a titu zong an um hna.

Laitlang lawng ah si loin Myanmar ramchung hmun kip ah hriamnam (Chai, Vainam, Meithal, Li le Cantiang tbk.) pawl ralkap le palik sin ah ap dih ding in nihin March 24 ah ralkap nih thawngthanhnak an tuah.By-The Chin Journal March 24, Yangon (Photo-CJ)

Be the first to comment

Leave a Reply

Your email address will not be published.


*