Laitlang ah khuasa sehlaw DALAN pei si ve lai hi.

Kei cu Kawl ralkap hi kan ral a simi kaa fiang lo cu. Baibal caa ka reel lengmang le kan ral a si ka hngal bak lo.» Aw, zeitin hme na hngalh khe lai. Na reelmi caa hme naa palh fom cu. Kan ral an sinak kong cu Kawl ralkap tuanbia ah a um, Baibal ah a um lo. Chiandeih kong hngalh duh ahcun chiandeih kong an ttialnak ah reel a hau. Vom kong an ttialnak ahcun na hmu bal lai lo.

Zei hmanh a kan ti lo. Zeihmanh an tuah lo. Kawlram kha uk an duh ve. Anmah nih sersiam an duh ve, anmah duhning in (…) Zei harnak hmanh an kan pekmi ka hmu rih lo.» Aw, Social Media zong cu na doh le na hmang duh lo i zei cu hme na hmuh khe fom lai. Kawl ralkap nih an kan thahnak, an kan nawnnak, kan chungril an kan chuahnak vialte hi nichiar Social Media ah an thlah lengmang ko nain na zoh lo i na reel fom lo cu ta.

Nain kanmah lungthin kha a chiat khaat tuk cang caah khan lungthin ttha lo vialte kan bunhpiak dih hna. Ruahnak ttha lo vialte kan bunhpiak dih hna. Cucu nangmah na tthat lo caah a si.OH MY GODDDDDD!! Zaangfahnak lungthin ngei loin an kan thah an kan nawn, an kan hrem, kan chungril an chuah, tisa in an kan toih, kan lei an kan thanh, kan ha an kan thlongh, kan kut an kan tan. Kanmah nih chim hau loin an tuahsernak nih lungthin ttha lo an ngeihnak a langhter komi khi kanmah nih kan hei bunhpiak chommi an hei si hnga?

Minung hi a fel lomi minung nih cun ahohmanh an zum hna lo, anmah an fel ve lo caah khan.Aizeee, a cu bia le banhla cu dah. Ralkap kan zumh hna lo hi kanmah fel lo ruang ah maw si, a luancia an tuahsenak ruang ah dah? Khapalo le khapalo chim hi a poi tuk tawn eee.

Note:Hi video hi zeitik thla ah dah a chimmi si ka hngal lo. Van Bik Sawmhal postmi ka lakmi si. Asinain zeitik kum le thla i a chimmi si zongah Kawl ralkap cu an ttha bal lo. Mipi hrawktu an si zungzal ko.Roro Fambawl

Be the first to comment

Leave a Reply

Your email address will not be published.


*