Lairang pawl uar ci Trump cu nihin ah Twitter le Instagram hna nih a account an kharpiak chung rih ti asi.

Arizona State President thimnak ah Joe Biden nih teinak a hmuh mi cu Congress ah object an tuah. Cucaah House of Representatives le Senate cu hmun dang veve ah an i tthen.

Senate ah object a phu maw timi bia an i al hnu ah vote an thlak i minung 93 nih object phu lo an ti, minung 6 nih a phu tiah an ti.

Cucaah Arizona President thimnak result cu Senate nih object a phu lo an ti. Phundang chim ahcun Trump minung Republican Senator tampi nih hnu an chit. Bia fak zong in an tongh len, tongh phu zong asiko.

Atu tlompal ah House nih Object a phulo ee timi an fehter ve te ko lai. Vote an thlak cuahmah lio. Annih cu afiang cia mi asiko.Hi hnu tlompal ah Joe Biden cu President thimmi asi timi fiang tein an thanh cang lai.

Thawngpang a leng lio mi cu: President tuan ding ni 13 long a tang cang mi ah Trump hi a rian a tei tilo tiah a rian phuah i Vice President Mike Pence President ni 13 chung tuan ter ding timi Cozah rianttuantu hruaitu cheukhat an i ceih hmai lio asi ti asi. Cucu 25th Amendment an ti i, cu thil a hun can taktak ahcun Trump cu US President tuanbia lakah a chiakha bikmi President pakhat ah a cang lan te ko lai.

Lairang pawl uar ci Trump cu nihin ah Twitter le Instagram hna nih a account an kharpiak chung rih ti asi. Hitluk in a minung pawl nih buainak an chuahpi lio ah “ram dawtu hna” tiah a fak len hna ti asi rih.

Cun, Nihin buainak ah nu pakhat, Trump a tanhtu duh aunak alanghter ve tu nu meithal in kah a tong i a nunnak a liam ti zong an chim.U.S rampi cu a mui a chia chin lengmang ko. January 20 tu lungsau tein hngak ko rih usih law.Credit-Kham Pi

Be the first to comment

Leave a Reply

Your email address will not be published.


*