Laimi nih CNA/F kan dirkamh hna bantuk in CNA/F zong nih a miphun le a ram a dirkamh ve a herh.

Laimi nih CNA/F kan dirkamh hna bantuk in CNA/F zong nih a miphun le a ram a dirkamh ve a herh. Cu Kaphnih in kan i dirkamh veve lawngah kan ral kan tei khawh lai. “United we stand devided we fall” ti asi bangin i tthencheu cu aho hmanh nih kan duhmi asi loh. Asinain Kalay-Kabaw hrawnghrang ah kan unau hna nih harnak an ton lioah CNA/F nih humhimnak le runvennak lei ah ttuanvo a laak khawh hna lo caah anmah tein irunvennak bu KCA, CNDF (ti asi maw cu) ti bantuk in irunvennak phu an dirh khawhmi cu thil ttha tuk asi. Hi bantuk irunvennak bu an dirh leh lo ah a cikpak cun zeitin dah an i runven khawh rua hnga.

Tuan deuh ah ca ka rak ttial bal cang, atu bantuk Lai rawn kan unau hna nih harnak an ton caan ah hin CNA/F nih ati khawhnak zawn te tal in va tlangtla kho hna sehlaw tiah saduh ka rak that. Asinain a takvun le cuar nih a zo loh i asi lai cu, a runveng kho hna loh(CNA/F zong ka mawhchiat bak ve hna loh). Cu tikah annih Kalay-Kabaw hrang ahcun CNA/F cu an aiawh khotu miphun ralkap ah a cang ti lo ai. Mah ruang ah cun, i runven khawhnak lam an kawl ve i CNDF hi an dirh kan ti lai cu.

Asi khawh ahcun CNA/F nih hin laimi(Chin) kan zate huap in rak kan hruai kho hna sehlaw cu a ttha tuk hnga ta, sihmanhsehlaw, a huap khawh ve hna lo caah cun pei anmah le ti khawh ning cio tein lam an kawl i Kawl ralkap an doh zong cu thil ttha asi ve ko cu ta. Hmailei caan tu ah CNA/F sinah i funtom kho ve hna sehlaw kan miphun le ram runvennak ah a tthawngmi ralkap bu kan ngei kho ve ko hnga ti hi kei ka saduh thah cu asi. Kanmah le ti khawhnak zawn cio tal in kan kal taakmi kan ram le miphun caah rian ttuan a herh caan asi. Cu hlanah Na chawva le tangka na chuah ballo ahcun atu hin rak chuah ve cang hawidawt. Kan Miphun le ram caah atu theng te hi rian ttuan caan asi.Credit-Salai Cbt Zaathang

ADang Relthan:CDM tuah mi Cozah riantuan thlahlawh pek khawh ding NUG aa zuam.CRPH sin ah bawmhnak a phan mi pin ah American Bank ah chiah mi rampi tangka (Billion in chiah mi) in ralkap nih nawlngeihnak an laak ruang ah hartong mi hna bawmhnak ah an hman lai.

“CDM a tuah mi Cozah riantuan mi hna harnak phihkhar ding hi kan i zuam cuahmah. Master budget ti mi tangka luhchuahnak pawl, mahle departments cio in Cozah riantuantu min cazin le an thlahlawh zat pawl zong kan suaisam dih cang,” tiah Planning, Finance and Investment Minister U Tin Tun Naing nih a chim.
MyanmarNow

Be the first to comment

Leave a Reply

Your email address will not be published.


*