Laimi Hla le Youtube:

Tulio kan hlasak thiam tete nih album an i chuah i Pathian hla thatha tampi an kan sakpiak i man fawi taktak in Laimi umnak kip phak ter khawh an i zuam. Sinain CD an zuar hlan ah Youtube ah chiahpiak an si tikah tampi an sung. CD hmanh an zuar kho ti lo. Album pakhat chuah ahhin ting50 leng a dih hi an caah a fawite mi a si lo.

YouTube ah anmah le a chiahpiak tu hna nih kan chiah hlan le kan chiah hnu zongah nanmah phaisa hmuhnak men ah Youtube ah nan i chiah tikah an sung rih hoi. Pawcawmnak caah nan ruat ko lai, khat lei anmah pawcawmnak caah tah nan ruat ve lo maw?

A tuahtu nawl lo le a ngeitu nawl loin Youtube ah nan i chiah i copyright kan in pe hna tikah “laimi le laimi dawtnak ngei usih, Youtube tiah thahpiak kan tong hih” ti nan chim than. Laimi le Laimi nan ti ah cun anmah nih an chiahmi Youtube te ah ngaihpiak khawh i zuam ding a si ko.

Hi bantuk ruangah warming pek bu zongah a chiah pengmi Youtube account thah piakmi minung paruk nan si cang. Laimi le Laimi ti siloin nawlngaih tu kan i zuam awk ding a si. Thazaang kan i pek ding a si. Kan i cawisang awk a si.

Tulio kan ram buainak ruangah album aa chuahmi tampi an sung. Sinain Online in an si khawh tawk an i zuam i cu zong cu nan cawk bak in Youtube ah chiah nan hmang rih. Nan cawkmi a si zongah nanmah ta a si lo i Youtube chiahnak nawl nan ngei lo. YouTube nan vun chiah ruangah midang tampi nih an caw duh ti lo tikah an sung.

YouTube chiah piak kan hman ruangah kan Lai hlasak thiam tampi kan sung ter hna. Hla fungkhat ah ting3 hrawng a simi kha a lak tein nanmah pawcawmnak caah YouTube ah nan i chiah i nanmah viar.

-Atu hnu Youtube ka chiahmi le midang channel (keimah he aa pehtlaihmi ka hawile ta) hla nan post bak cun warming pek ti loin nan Youtube thah piak tiang copyright kan in tuah cang hna lai.

A tanglei pic zong hi thah colh ding nan si nain kan zuah rih hna. Ka pawtam bak in thah colh ding, chim nan ngaih lo cun i zoh u, nan i ngaihchih te lai. Hihi chim ka duhnak sau ngai cang nain kaa sum le tutan ah ka vun zai.Credit-Salai Ro Biak Lian

Be the first to comment

Leave a Reply

Your email address will not be published.


*