Laimi cu Khrihfa 100 ah 98 hrawng kan si kan i ti nan sualnak tuahdan kan thiam ning le kan huam ning le kan i manh ning hi khuaruahhar cu kan si ko.

Levi Sapte chimmi ka uar ngaimi cu phundang dang in timh ciammam tein le rianttuan kho ti lo ding in ningcang tein an i timtuah a timi hi si. Keizong Laimi cheukhat nih ka cungah tthat lonak a phun2 ningcang tein le timh ciammam tein an tuahmi a um ve/ka ton ve. Laimi cu Khrihfa 100 ah 98 hrawng kan si kan i ti nan sualnak tuahdan kan thiam ning le kan huam ning le kan i manh ning hi khuaruahhar cu kan si ko. Zeitik ahdah tthatnak tuah lei ah ningcang tein le timh ciammam tein le a dot tete in kan tuah te lai timi hi ka hngak ko.

Kei hna cu mi ka hlen hna le micung ah tthat lonak ka tuah zong ka thei lo nan. Hnahchuah tlak zong ka si fawn lo nan. Keimah tuk hmanh hi midang bawmhnak tampi a herhmi ka si lehlam. Biaknak lei minung ka si ko i politician zong ka si fawn lo i sipuazi tuahmi zong ka si fawn lo nan.

US Laimi Khrihfa buu cheukhat kan hmuh ning hna cu mino meeting le nubu meeting le Khrihfa bu upa meeting zongah midang cungah tthat lonak a phun2 tuah ding hi nan i ceih lengmang rua dah ka ti ko. Zeitindah tthat lonak midang cungah kan tuah khawh lai tihi nan i ceih ttheu rua dah ka ti ko. Phone i nan i chawnh caan hna ah le hmunkhat i nan i leng caan hna zongah zertiang in tthat lonak tuah  dinghi nan i ruah ttheu rua hna dah ka ti ko/nan i ceih ttheu rua hna dah ka ti ko. Khrihfa mi nih cun tthatnak tuah le Pathian bia tuk hi fawh chunzan in a ruat ding le a tuah ding tuk lehlam kan si cu.

Ningcang tein le timh ciammam tein tthat lonak tuah kan thiammi hi ngol tak in ningcang tein le timh ciammam tein le a dotdot tein midang cungah tthatnak tuk a phun2 tuah cang hna u sih. Midang cung i tthat lonak na tuah ahcun midang zong nih na cungah tthat lonak an tuah ve  ko lai, nangmah na tuah bantuk te khan.Credit-Van Tum

Be the first to comment

Leave a Reply

Your email address will not be published.


*