Kyaw Kyaw mi thi deng nih bomb a puah cu a si kho hnga maw?

Zankhat Hmanh A Nung Ti Hnga Lo Ding tiang i a zaw cang mi Pu Kyawkyaw Nih cun maw bomb a puah ko hnga? A zawt a rak zualtuk cang an ti mi hi zumh a tlak hnga maw? Cu tluk i a zawt cang asi ahcun bomb a puah kho hnga maw, cun velh le tuk awk a tlak ko hnga maw? Cun ti pilhter awk cu a tha ti hnga maw cu tluk i a zaw cang mi a rak si taktak ahcun.

A tanglei catial mi hmanthlak hi Sangau lei nih an tial mi screen shot ka thlak mi asi. An ca tial mi ka rel tikah ka khuaruah a tam ngai. Hmanthlak i ka kulhnak zawn tete le ka rin mi pawl khi vun peh tonh cio ve hmanh uh. An ti mi cu: Pu kyaw kyaw a zawt tuk cang an ti, an zawt tuk nak ahhin amah te hmanh in ti a than kho ti lo i ti kan thanpiak i kan ihter ta puan zong kan vorh ta an ti, cun a thaizing i an va zoh tikah cun a rak thi cang tiah fiang tein an tial. Zankhat hmanh a nung hmanh lo a zawt a rak zual tuk cang tinak khi asi hnga.

Asi ahcun a cunglei i an tialmi ah khan kyawkyaw cu tiva ah an va hmuh i an tlaih i bia an hal bomb ka puah lo a ti ca ah tlawnpal an tuk an velh, cun ka puah ko a ti i cu hnu cun ti an pilhter tiah anmah fiang tein an chim.

An bia lu le taw kan fonh asi ahcun: zankhat hmanh a nung ti hnga lo mi a zawt a zual tuk cang mi amah tein ti hmanh a than kho ti lo i anmah YLA nih ihnak ah an ihter mi Pu Kyawkyaw kha bomb ka puah lo a ti ca ah an tuk an velh i bomb ka puah ko ati hnu ah ti an pilhter tinak asi.

Cutluk mi zaw zual cu maw an tuk i ti cu an pilhter taktak ko hnga. An chimning i a zawt a zual mi asi ahcun tukvelh awk le ti pilhter awk tlak zong cu asi ko hnga maw? Ruah awk a um ngai anmah bia lila ka relnak in ka lung ah a chuak ngai.credit-Hcung Dcung

Be the first to comment

Leave a Reply

Your email address will not be published.


*