Kum Thum Thong Thlak Ding In Bia An Chah.

March thla zarhkhatnak hrawng ah CDM a tuahmi hna pawl thazaang nan pek hna tiah ralkap thalo nih an rak tlaih mi hna kan unau 2 cu Hakha Police zung nih pohmah 505 in a report hna i a tu ni June 25 ah Biazeih zung nih kum 3 chung thong thlak ding in bia chah a si tiah Chin World nih a langhter.

Laitlang ah an tlaih mi hna hi Myanmar Peace Monitor nih Media tial chin mi in a langhter ning ah cun minung 200 hrawng an si i 61 hi thongchung ah an taang tiah a langhter.

A tu zarh chung ah a min langhter duh lo mi pakhat nih a chim ning ah cun Hakha i an tlaih mi hna pawl an si theu lai dah, ralkap thalo mawtaw in minung an phurh hna i Kalay lei ah an kalpi hna a ti. Chuncung khua ah ralkap thalo cu minung 100 in 1000 kar hrawng nih mawtaw a kal mi cu an ven tiah a chim chap.

Hakha kan unau hna an tlaih mi hna ah an thlahlo mi hna an um i Kalay lei ah an kalpi taktak hna a si ko ah cun rak kir than ti lo a fawi te tiah a nolh rih. A si khawh ah cun mawtaw in an kal lio ah CDF nih maw a siloah minung dangdang nih lampi kahnak an thatnak in kap hna sehlaw kan unau hna hi an luat kho men a ti rih.Credit-The Green Hill Post

Adang relthan: LAIRAM KAN ZAMTAK LAI LO.A cunglei tlangtar kong he pehtlai in Miphun le Ramhla a kan phuahpiaktu Rev. J Biak Peng he tuzan ah biaruahnak kan ngei lai. Lairam Kan Zamtak Lai Lo timi hla hi Ramhla vialte lakah theihnik mi le sak bik mi a si bantuk in kan Miphun le Ram kong he pehtlai in sullam thuk a ngei ngaingai mi hla asi.

Cucaah tutan cu hi hla a phuahtu nih zeibantuk background indah a rak kan phuah piak, nihin kan Chin Miphun context he teh ai tlak rih ko maw ti mi a phuahtu he biaruahnak kan ngei lai caah rak ngaih khawh i zuam cio te dingin kan sawm hna.
Credit-Al Bik Lian Zathang

Be the first to comment

Leave a Reply

Your email address will not be published.


*