KIA nih Phakanh i Myanmar Ralkap Sakhaan Pahnih an Lak

Kachin ramkulh, Phakanh peng ah a ummi Myanmar ralkap sakhaan pahnih cu KIA nih April 18 zaan ah an lak hna, tiah theih a si.

April 18 ah KIA nih Phakanh peng chung i Myanmar ralkap sakhaan pali cu an doh i Nam Jan khua ah a ummi sakhaan le Tang Gau Bum timi tlaang cung ah a ummi sakhaan an lak hna.

Khuami pakhat nih, “Zaanlei sml. 5:00 hrawng khan khdohnak a chuak. Suimilam pakhat hrawng pehzul in an i kap i an i din. Cun, an i kap tthan. Myanmar ralkap sakhaan pahnih KIA nih an lak i atu hi a dang sakhan an doh tthan,” tiah Kachin thawngzamhnak ah a chim.

Sakhaan pahnih an lak hnu ah Tan Kaw Bum timi RC Thlacamnak tlaang ah hmun a khuarmi Myanmar ralkap le Ginsi Hall khua i ralkap sakhaan lak ding in KIA nih an doh cuahmah hna.

Myanmar ralkap lei nih Phakanh ralkap sakhaan tlaang cung in miakpi pawl hmang in a lang in KIA cu pehzul in an kah ve hna, tiah Kachin thawngzamhnak KNG nih a ttial.By-The Chin Journal April 19, Yangon

Pu Ngun San Aung Rian Khinhmi Pu Thla Bik nih Cohlang Lo.Chin ramkulh Administrative Council Chairman Pu Ngun San Aung nih Hakha tthanchonak committee chungtel ah Pu Thla Bik rian a khinhmi cu Pu Thla Bik nih a cohlang lo, tiah nihin ah kan theih.

“Pu Ngun San Aung nih rian a ka khinhmi hi ka thei bak lo. Ahlanken in theihternak zong zeihmanh a um lo. Ka um lo kar ah ca an rak ka pek i zei hmanh ka thei lo,” tiah Pu Thla Bik nih The Chin Journal ah a chim.

Kan rammipi nih hi tluk hin an duh lo bu ah zeitindah an ka khinhmi rian cu kan ttuan ko hnga, tiah a chim chap.

“Mah an ka khinhmi rian hi ttuan ka tim lo. USDP chan zong ah khan mah rian hi an rak ka fial cang. Cun, NLD lio zong ah an ka fial bal cang. Asinain, ka ra rak al hna. Mah lio hmanh ah ka ttuan khawh lomi cu zeitindah atu mah tluk in kan rammi nih an duh lo bu ah ka ttuan ko hnga,” tiah a chim.

Myanmar rampi uknak a ramh i, thla 2 fai chung ah rammi 700 leng ruru hranghrang in a thattu ralkap kut tang ah Hakha khua tthanchonak rian ttuan ding in Pu Ngun Sang Aung nih Hakha khua i bochanmi upa 6 cu committee chungtel ah rian a khinh hna nain ahohmanh nih cu rian cu an cohlang lo, tiah thawng kan theih. By-The Chin Journal April 18, Hakha

Be the first to comment

Leave a Reply

Your email address will not be published.


*