KIA nih Myanmar Ralkap Sakhaan Pahnih an Lak Than

Kachin ramkulh, Moemok peng chung ah KIA nih Myanmar ralkap sakhaan pahnih cu nizan zanlei ah an lak, tiah theih a si.

Sakhaan pahnih an lak hnu in Myanmar ralkap lei nih miakpi in mipi umnak tiang kahthlork in an kah i khuami pathum an nunnak a liam, tiah Kachin tualchung thawngpang pawl nih an langhter.

“Atu tiang meithal puah thawng pawl a pikpak in an thang lengmang rih ko. Myanmar ralkap lei a thimi le hliamhma a pumi pawl motor in an thiar lenmi hna kan hmuh,” tiah khuami pakhat nih Kachin thawngzamhnak ah a chim.

March 25 ah abiapi ngaimi Myanmar ralkap sakhaan Alaw Bum cu KIA nih an rak lak i, cu caan thawk cun kahdohnak a fak chinchin.

Nihin zong ah Alaw Bum sakhaan lak tthan ding in Myanmar ralkap nih Fighter vanlawng pahnih in an kah hna. Asinain, atu tiang Alaw Bum cu KIA kut cung ah a um rih.The Chin Journal April 12, Yangon

Tuluk nih Philippines ram hmun pakhat chuh aa timh ca ah Philippines le US raltuk ancawng tti

A luancia mi Philippines ram ah Tuluk nih hmun/ram a rak cuh I taza cuainak tiang a phan nain, Philippines nih a rak tei hnu ah Atu bantuk in Tuluk Hmun/ram pakhat a cuh tthan.

Atu bantuk in Tuluk nih Philippines hmun/ram a cuh mi a tei sual ahcun Vawleipi zeimaw zat ram a tlaih khawh (a lonh) ding a si ca ah atu hi Philippines hmun/ram a cuhnak hi a si. Cucaah
US ralkap 7000 le Philippines ralkap 10000 komh in raltuk an cawng tti. Philippines cu China nih a detkhawt ngaingai hnu US he raltuk cawnnak an ngeih tti hi a si.

Tuluk ram kiangkamh ah Philippines, Japan, Tawan, US Ralkap Hna an um tiah theih a si.
Share tuah in thawgzamnak rak tuah ve pls
Credit-The Chin Ligth

Be the first to comment

Leave a Reply

Your email address will not be published.


*