KIA le KNU nih Kawl ralkap zeizat dah an thah cang hna, AA tah zei an tuah timi theih na duh cun a tang ca rel

KIA le KNU nih Kawl ralkap zeizat dah an thah cang hna, AA tah zei an tuah timi theih na duh cun a tang ca rel

Ralkap nih uknak an lak hnu ah tlangcung hriamtlai phu vialte lakah kawl ralkap he aa kaap hmasa bikmi cu Kachin Ralkap KIA an si. February 11,2021 in kah hram an i thawk i nihin March 12 cun thlakhat si cang.

KIA timi cu kan theih bantuk in AA telh in Chaklei Ralkap Bu (4) Fonhmi Northern Alliance chungtel an si. Cheukhat nih KIA hi ziah an dai ngai mipi zong an ven hna lo Myitkyina zongah an lut lo tiah an ceihphai hna.

A tak cun KIA hi biatak in ralhrang Kawl ralkap a dohmi an si. Thlakhat chungah Kawl ralkap Sakhan 2 bak an lak, kawl ralkap 150 leng an thah hna. A bik in KIA tamaha 4,6,9,10 pawl hi Kawl ralkap he nifa aa kaapmi  an si.

Nihin zing hawi hna cu Kawl ralkap lei Bohmu telh in ralkap 20 KIA nih an thah hna. An meithal hriamnam le riahcaw zong KIA nih an chuh dih hna i him tein an kir taak hna.

Kawl ralkap lei nih heh tiah raltuknak vanlong 5 bak te an hman i KIA Tatmaha 9 tang ummi Tatzin 26 cu an kah ve. Nain KIA lei nih timhtuahnak an ngeih cia caah pakhathmanh an thi lo.

Thlakhat chung an i kahnak ah KIA ralkap 10 fai an nunnak an pek ve. Sakhan zong an kal taakmi a um ve.Cu ti KIA le Kawlralkap an i kah lio ah cun Kawlram nichuak thlanglei Karen ramthen ah KNU le Kawl ralkap an i kaap ve.

KNU nih Phapun pengkulh um Kawl ralkap Tatmaha 5 cu an tuk hna i Kawl ralkap 38 bak te an thi. Cu hnu ah Kawl ralkap Tatmaha 6 zong an kah than hna i 3 an thah than hna.

Cun nai ah khan Ta-thung Kha-yan um Kawl ralkap Tatma 44 cu an kah than i 5 an thah than hna. Nihin zing KNU kahmi Kawl ralkap Tatma 77 kha a thimi an chim lo. Tam lak an thi an ti. A fawinak cun KNU nih Kawl ralkap 50 leng an thah ve cang hna.

KIA le KNU fonh in Kawl ralkap an thahmi hna hi 200 leng an si cang. KNU lei chimnak ah cun Kawl Ralkap (Chi-hlin) Ke ralkap hi an tam ti lo 60000 hrawng si dawh an si. Sakhan Tatmaha ngan zong an ngei  ti lo. Cheukhat Tatzin hna cun 800 um dingah 120 tluk hna an um cang an dih pah cang ko lai an ti.

Cun AA hi anmah KNU chim nak ah Kawl ralkap nih an lem len hna nain kanmah tlangcung lei ah an tang ko. Atu zongah KIA sin ah ral an tu ko cun TNLA sin ah  AA an um fawn. TNLA le RSSC hi a rauh hlan ah an rak lang colh ve ko lai. CRPH nih an chawnh cang hna tiah anmah KNU fb page an an chim.

Kawl ralkap nih an duhmi vanlong zong hmang ko hna seh. Fak deuh an kah let tam deuh an thih si ko. An zenkuan zong dihzau seh tiah KNU nih zei poi loin an Chim.Ref.KNU lei thlahmi lakmi si.Credit-Tluang Ceu Thang

Be the first to comment

Leave a Reply

Your email address will not be published.


*