Khuasik thla ah angkilum kan hlam bantuk in June thla a hung deet lai hin cun, siangakchia nih Saya/mate kan hlam hna.

June thla asiloah sianginn kai tawn nicaan kan phan cang lai nain 2 CDM Sayama_ pakhat

Khuasik thla ah angkilum kan hlam bantuk in June thla a hung deet lai hin cun, siangakchia nih Saya/mate kan hlam hna. Siangcachim Saya/mate zong nih siangakchia kan hlam hna i mitthlam ah an cuang.

Kannih Siangcachim hna hi CDM kan tuah ruang ah rian phuah kan tong nain Siangakchia nulepa thinlung ah siseh, an hmurka ah siseh, Saya, Sayama ti mi thinlung a tlau lo i tlaihchannak a fek peng rih. Cu nih cun thazaang tampi a kan pek i kan i lawmhnak sang bik pakhat zong a si.

Cun, khatlei ah cachim kan si bantuk in siangakchia hna nih Saya, Sayama, tiin an kan auhnak awte zong kha kan ngai ve tawn. Sianginn kai ti lo hnu zong ah kan fale nih tlaihchannak le dawtnak he Saya, Sayma an kan ti ah khin thinlung phundangpi in a um.

Atu cu SAC nih rian in an kan phuah. A poi hrimhrim lo. Aruang cu SAC ca ah siangcachim kan tuan lo. Amah nih rian an kan phuah zong ah nulepa le a bik in Siangakchia kan fale nih an thinlung in rianphuah mi kan si lo tu hi a biapi mi a si ko.

Photo_Crd Biakilh: Siangcachim, Siangakchia le Nulepa cheukhat nih sianginn an ngaihnak, sianginn kai an duhnak le fale fimcawnter an duh tuk ko nain kai awk tha a si lonak pawl kha atu bantuk in cheukhat nih The Hakha Times ah an langhter i pakhat hnu pakhat (1, 2, 3,…etc) in kan hun langhter hna lai.

Be the first to comment

Leave a Reply

Your email address will not be published.


*