Khualuhnak thlam bantuk inn pakhat chung ah kan ral cu kan bawh hna.

Khualuhnak thlam bantuk inn pakhat chung ah kan ral cu kan bawh hna. Kan hawile rual (nan min ka tial ti lai lo, aatel lo mi nih nan ka uhttanh sual lai.) he Rallokap kan bawh hna. Kan zate in meithal kan tin lo caah pakhat hnu pakhat aachang in ral kan bawh hna. Tutan hi keimah caan. Lai meithal phun asi. Training a dih ka ka si i ahmasabik in ralram taktak ah meithal kai tlaih asi. Adang kan senior hawile pawl (3/4 hrawng) cu an mah le an hmunhma cio ah an bawh lio ve.

Cabuai hnu lei ah meithal he ka bawh hna, ka hnu lei ah eiawk le si pawl he ka hawile nih cun an ka hngah ve. Ral ka doh lio mi, meithal ka kah mi an ka zoh lai ti ka ruah ah ka chizawh pah cia. Ka puah kho ngaingai hnga ma ti zong ka phang.

Ral cu an ra, kan ikap hna meithal puah thawng lak ah Rallokap pakhat i a lu cu ka hun kah ve. Ka khen bak ve. Khan kai thup than. Mi pei ka thah cang ko hi ka ti. Ka áš­ih ngai, ka thi taktak kho mi pei si ko hi ti ka ruat. Stylenak le trend zulh, popular si ding men in cun rak itel ding asi lo ti ka ruat. Ka meithal cu ka puah than, a chuak lo, ka thlanhriphi nih aka peih, kai thuh i ka remh cuahmah lio ah adang ka hawile nih an rak kah dih hna i ka hnangam ning. Kan Bawibo kha ka meithal kong cu ka chimh len. Aka zoh piak i pakhat na kah ve i za ko a ka hei ti.

Ma khan khuachung lei ah kan lut. Hakha chung ah kawlram pumpuluk i siangngakchia pawl he lam vialte kan khat dih. ChinOoSii lam in Mibu pawl an rak zuan mi cu ka hun zoh pah ah ka minung hna he kan ithen. Meithal cu kai bei pah in ka kawl hna. Ka ph kha aho zaal ah dah a um hnga ka ti. A ho dah phone aatlaih i a ho sin in dah ka call hna hnga ka ti. Ka hmai ara mi lak ah ph aa ken mi ka kawl hna. A ho phone dah kai chingchiah ti mi zg ka ruat len.

Makhan MIT compound kan phan. MIT chung Maha saung cu thil vialte an rak hrawh dih i ka thin ahung tuk ti si. Kan phuaih pawl he ihmuh ti lo cun a ho te sin ah dah kai va fonh te hnga tiah ka lungre zong a thei thluahmah. Ma khan kai hlau.

Nai hrawng ka mang ah ral kai do peng nain kai hlauh ah ka philh than lengmang. Nizaan ka mang tu cu afiang ngai.Credit-Anna Biak Tha Mawi

Be the first to comment

Leave a Reply

Your email address will not be published.


*