Khualai pi cu a king riangmang cang

March 24, Yangon khualai Sule ah heh tiah mipi a tingting nih ralkap uknak lakmi duhlonak an langhter tawnnak hmun Sule le a pawng cu a king riangmang cang ai.Tiva pi bang mipi khatthup in chunnitlak te “AYi-Daw-Pone Awng Yah Mee” ti an au tawnnak cu minung aa chawkmi zong an um ti lo. A riangvai taktak.Vawlei cung khuapi lak ah a dai bik cu si theo lai.

A ruah awk ka thei lo. Mipi nih an celh ti lo maw si hnga. Chuah an tih bia maw si hnga. Maw minung hrimhrim dah an um ti hnga lo. A ruang cu um ko lai dah. Genz pawl an khuakhan zei a si theih a si lo.

Teinak kan hmuhnak le teinak thantar vawrnak tu si hram seh. A rauh hlan ah awngpuai khannak ah cang seh. Credit-Tluang Ceu Thang

Adang relthan;Gangaw lei in ralkap motor 10 Chin ram Halkha lei an rak kai tiah Gangaw lei Dr. Pakhat nih Message a rak thlah.

Lampi ah a um khua hna nih lam kha a rennak in rak phit u law a ttha tuk hnga.Bia na bia ah Lam tuk, Ti hman le Zo Khua ti bantuk in JCB in lam rak kham u law, a herh ahcun lam zong kha rak chimh
ding kha a si ko.

Lam chak ah a um mi Thingkung hna zong kha rak hau in lam khamnak luu nganmi zong kha rak chiah ding a si ko.Hi thawngpang hi a hman mi a si ahcun
Tuzaan ( Bung Zung ) khua a um mi nih an theih lai caah Bung Zung lei nih fel fai deuh in kan zoh ngait piak u law a ttha tuk ko hnga.Laknak – Gangaw lei
March 23, 2021 by-Salai Rit Dawn

Be the first to comment

Leave a Reply

Your email address will not be published.


*