Khuachungmi le ralkap i do thazaang ka pe lo.

Social Media hmang in minung pakhat kha forh i fawi tein meiphu ah zuanter a fawituknak chan ah a ummi kan si. Cucaah Do hna uh. Tthua hna uh. Tangka in kan in bawmh hna lai. Nan tei hrimhrim lai.tibantuk in teinak ding lam a um lo tluk a simi kha ngan tukin ruahchannak deu kan pek tawnmi hna hi kan i ralrin ngai a herh.

Meithal le tlaih bal lo. Raltukning le cawn bal lo. Hriamnam le zeihuaha ngeih fawn lo. Chai luklak hna in doh. Chai nih cun ar hmanh a that kho lopi. Hriamnam ttha zeimawzat cu hei damhpiak kho hna hmanh usihlaw raltukning cang an thiam lo cun zeidah santlai? Boxing thawngh zong cawn bal ve lo buin kuthruk i hruk i Manny Pacquiao luh hnawh bantuk a si. Nunnak pek in i do hi meiphok do luklak bantuk men a si lo. Amah belte pumpak i vennak a um cu a herh bakmi si i cucu a dangte a si ve ko.

Mi cheu nih cun Na PESSIMIST tuk. nan ka ti men ko lai, nain a herh lomi temtuarnak le sunghnak hrialnak dingah a herh tuk vemi a si. A caan ahcun OPTIMIST tuk zong hi tlaksannak tu a rak si ttheo. Cucaah thinhun le ingpuannak men in RISK ngantuk lak hi a ttha lo. Be realistic an ti tawnmi khi a tu lio ahcun a biapi tuk.

Optimism rules the world, but it has a dark side, too. The glass is not either full or empty.

Khuachungmi pawl ralkap do forh le thazaang pek len nakin tlangcungmi ralkap sin tu ah luhter hmanh khi thazaang ka pek deuh. Ram le miphun caah nunnak pek hi a phu bak, nain a pekzia kan thiam lo ahcun thih thlorh in kan thi lai i a phi zeihmanh a chuak fawn lai lo. Kan nunnak lam a paam men.

Be the first to comment

Leave a Reply

Your email address will not be published.


*