“Khrihfabuu le Ram aa tthen kho lo”

Hnangam le dai tein Pathian upatnak le ttihzahnak he khua kan sak khawhnak hnga, bawi le nawl ngeitu vialte caah thla cam u. Zeicahtiah hihi kan Khamhtu Pathian hmaiah a ttha i cohlanawk aatlakmi asi. Anih nih cun mi vialte khamh si hna sehlaw Biatak hngal hna seh ti kha a duh (1 Tim 2:2-4, Dr. Rual Uk Lehmi).

Hi Baibal nih fiang tein a kan cawnpiakmi cu ram hruaitu hna nih rammi hna hnangam le dai tein khua kan saknak ding caah Pathian fale hna nih ttuanvo kan ngeihnak asi.

Cuti in ram hruaitu hna nih hnangam le dai tein an kan hruai hnu ah Khrihfa hna nih ram chungah Pathian ttihzahnak le upatnak he khua kan sakding ding hrimhrim asi.

Zeicahtiah Cungnungbik Pathian fale nih vawlei ah remnak, daihnak, dawtnak, zalonnak, tlukruannak, ngeihthiamnak, zaangfahnak le velngeihnak a umnak ding caah rian khinh kan si caah asi. Cucu kan Bawipa Jesuh Khrih nih “nannih cu vawlei caah ceunak le cite nan si” tiah a kan timi kha langhternak asi.

Cutik lawnglawng ah Pathian fale hna kan nun hmangin ram hruaitu le rammi vialte Jesuh Khrih khamhnak thawngttha hi an cohlang lai i Biatak hi an hngalh kho ve lai.

Kan Baibal nih fiang tein a kan hmuhsakmi cu, Pathian fale vialte cu hi vawlei cungah Khrih caah Lamkaltu (Ambassadors, သံအမတ်များ) kan si caah vawlei le ram hruainak kongah aatthending kan si lo.

Khrihfabuu le ram (State) cu aatthenawk asi. A dang tein an um veve awk asi timi (Seperation of Church and State) Thomas Jefferson kalpimi Secular State nih zeitluk in dah America le Europe ram vialte Pathian biatak he a hlatter cang timi hi ttha tein kan ruah a herh cang.

Kan Baibal cawnpiaknak he aakalhmi poh cu biatakte le ralttha tein kan doh in kan kaltak dingin kan sawm hna.Baibal hi kan I zohchihmi si zungzal hram ko seh!By-Sangcunguk Hlawnceu New Zealand

Be the first to comment

Leave a Reply

Your email address will not be published.


*