Khoika ah na fimthiamnak, na chawva, na minthannak le naa dawhnak cu an um…?

Khoika ah na fimthiamnak, na chawva, na minthannak le naa dawhnak cu an um…?

Vawlei ah tlaihchanawk pakhat hmanh a um lo. Kan nu paw chungin taklawng in kan chuak i taklawng tein ka kir ṭhan lai (Job‬ ‭1:21‬). Vawlei siseh, a chung thilri hi si hna seh, tlaihchan hna hlah uh (‭‭1 Johan‬ ‭2:15‬). Na kalpi khawh dingmi pakhat hmanh an um lo.

Thihnak cu mi pakhat thawngin a tlungmi asi (‭‭1 Korin ‭15:21‬). ‬‬Thihnak nih an phak ni ahcun na rumnak, na fimthiamnak le na minthannak a ṭhahnem lai lo (‭‭Phungtkb‬ ‭11:4‬).

Na titsa naa dawhnak vialte cu an rawk dih lai i leidip ah na kir ṭhan ko lai (Job‬ ‭34:15‬). Na khuakhaannak le naa tinhmi vialte cu an dong lai i pakpalawng an si ko lai (‭‭Salm 146:4‬).

Minung kan nunnak hi zeitlukin dah a tawi i, Bawipa nih mi vialte hi thi dingin a kan ser dihmi kan si (‭‭Salm ‭89:47‬). Cucaah kan nunnak zeitlukin dah a tawi ti kan hngalh ahcun kan nunnak hi fimkhurtein nifatin kan hman thiam lai (‭‭Salm‬ ‭90:12‬).

Jesuh Khrih a ngeimi, kan taksa cu leidip ah kir ṭhan hmanh sehlaw kan thlarau cu a kan petu Pathian sinah a kir ṭhan lai (‭‭Phungchimtu ‭12:7‬). ‬‬Zeicahtiah kan nunnak, thlarau/thaw a kan petu cu Pathian Thlarau asi (‭‭Johan ‭6:63‬).

Zungzal thihnak in luat na duh maw? Na duh ahcun na sualnak ingaihchih in Jesuh Khrih zum. Bawipa ṭihnak hi nunnak cerhti asi (‭‭Phungtkb‬ ‭14:27‬). ‬‬Pathian Fapa a ngeimi paoh nihcun zungzal nunnak cu an ngeih i Pathian Fapa a ngei lomi paoh nih cu nunnak cu an ngei lo (‭‭1 Johan ‭5:12‬ ).

Hi a rawk khomi na taksa rawl caah hin ṭuan loin a hmunmi rawl, zungzal nunnak rawl caah ṭuan deuh (Johan ‭6:27). ‬‬A hmunmi tuhi kawl! Jesuh Khrih zum law Thiang Thlarau in khat deuh! Na thlarau zungzal nunnak caah na herh bikmi hi Jesuh Khrih asi.
Credit-James Vannei Lian

Be the first to comment

Leave a Reply

Your email address will not be published.


*