Khat lei President thimnak phichuak kong ah Trump nih nihin tiang ka tei ati peng rih.

$900 billion COVID-19 relief pi cu thla 9 hnu ah House le Senate ah an lung tlinpi veve cang.May thla ah $3.4 Trillion bawmhding tiah Democrat nih ukmi House ah an rak lanhter cang nain Senate nih an kham.
Senate ah $500 an chuahpi tthan i Senate hmanh ah an lanhter kho lo.

Cu hnu cun party kar i renghnak sang chin kaw bawmhnak pektthan kong an lung a tling veve nain a zat le hmannak zawn kongkau ah nihin tiang an tap.

Tulio hi minung 12 million leng rian ngeilo an vai. Minung thong tampi inn man pek khawh tilo in a vaiding an si cang. Hi vialte minung hna hi December26 hnu cun vava a tumding ansi cang. COVID-19 pulrai le that lei panhlo in zualhma a panh. Nikhat hnu nikhat case thar an karh. Tu lio lebang cu 0.4 second dan in a karh ti asi. Cucaah state cheukhat cu lock down hna an tuah tthan.

Cucaah mipi lei awaan a thang cang. Hitluk in mipi kan tuar lio ah nanmah party pakhat le pakhat kar i renghnak men ah caan nan liamter  i mipi zawn nan kan ruatlo an ti.

Cutikah Hruaitu vialte an lung an tthumh cio i an duhning asilo ngai cio nain Nizan zaanttim hnu ah GOP le Democrat hruaitu hna nih hna tlaknak an ngeih hnu le tuni chun nitlak House le Senate ah bia an i aal hnu ah :

House nih vote 359 – 53 in an lanhter.Senate zong ah 92-6 tiin an lanhter ve.Atang mi cu President nih hna a tlakpi ahcun min a thut lai, cu hnu ah mipi sin an kuat tthan te lai.

Treasury Secretary Steven Mnuchin nih “hmaizarh chung tuanbik in kuat cio an si te lai “ tiah a chim cang fawn.

A ngah dingmi cu minung 1 income $75000 nak tlom nih $600 cio a si lai. Nuva in $150000 nak tlom a hmumi nih an fa le 18 tang he pakhat $600 cio ngah ve asi lai an ti.

Senator Bernie Sender nih cun “mipi nih $1200 tal cu an ngah ding hrimhrim asi. Asinain $600 zong cu $0 ngah nakcha cun aa rel deuh ko” tiah a lung tlinlonak a chim.

Republican Senator Rand Paul ve nih cun“ Hi bill tha a petu Republicans pawl cu Democratic  he nan i lo ko hna.” tiah a hawi le cu fak ngai in a tongh ve hna. Anih hi Senator hna lakah covid aa mih hmasabik kha arak si.

Democratic hruaitu Speaker Nancy Pelosi le Senate minority leader Chuck Schumer hna nih cun “hi bill tham cu aa ot ka le lakhruak ca long asi rih. Kumthar lei Joe Biden hruaimi cozah thar tang ah chawleh chawrawlnak aa tummer khawh tthannak ding ah bawmhnak tampi a um tthan nak hnga kan i zuam lai” tiah an chim ve.

Sihmansehlaw bawmhnak a um tthan khawh nak ding cu January 5 Georgia run off Senator 2 thimnak phichuak nih lai a va rel ngai te lai. Democratic an tlin ahcun ruahchanhnak a tam i, Republican an tlin ahcun ruahchanhnak a tlom.

Khat lei President thimnak phichuak kong ah Trump nih nihin tiang ka tei ati peng rih. A tanhtu mipi zong nih nichirte duhlonak an langhter peng. Sihmansehlaw Thimnak result thlending in Trump minung hna nih state kip legal challenge an tuahmi cu tuni tiang hnonpiak an si dih ko. An lung cu dong rih hlah kaw An ngol hlei ve lo.

U.S Supereme Court tiang nih a hnonpiak, “rinh tlak sual puhnak le thimnak phichuak thleng kho tu ngaingai fraud case an um lo” an ti mei.

Nihin ah Pennsylvania state ah minung pakhat nih a pitar athi cia mi min in Trump a vote mi an theihmi a um i cucu sual man dantat ding long asiko tiah an ti.

Khah $600 cu hmaizarh chung ah nan bank ah an in rawnpiak te ko hna lai dah, Trump minthut long a bau cang.Credit-Kham Pi

Be the first to comment

Leave a Reply

Your email address will not be published.


*