Khah a si ahcun NLD nih tei hlah seh law tah zeidah a cang lai?

Khah nang Rangoon, Mandalay, Nay Pyi Taw um si law zei party dah na vote lai? NLD maw USDP?NLD hi tling hlah seh law taingyinta ethnics party pawl hi key players kan si lai maw?

NLD nih taingyinta ethnics party pawl he fonh lawng in coalition cozah a ser khawh ding sisehlaw cu bantuk thiamthiam in  USDP party le UBP pawl zong nih taingyinta ethnics party pawl he fonh lawng in coalition cozah ser khawh hei si ve sehlaw, taingyinta ethnics party pawl hi a tukum thimnak ah key player kan si hnga.

Cu bantuk caan a phak sual ahcun taingyinta ethnics party pawl nih mah le State cio ah covo le nawlngeihnak rights le authority tam deuh a kan pe kho i decentralize le federalize tam deuh a tuah khomi party kha i thim a si hnga caah key player kan si hnga i thimnak nawl le covo cu kanmah taingyinta ethnics party cung ah a hngat ko hna.

Tu hnu kum 5 ah NLD maw USDP party nih sermi party fonh cozah (coalition government) ah hei ser seh law aho dah na zumh deuh i aho dah rian a tuan kho deuh lai?

Mipi nih zei party dah kan zumh deuh lai? Trust kan ngeih khawh deuh lai. Ramdang cozah nih tah zeidah an pom le an zumh deuh lai i aho dah kau deuh in rian a tuan kho lai i democracy phung i a hramkek in chim ahcun nawlngeihnak a dih a deng cu mipi sin ah a um i ram uknak ah mipi kan i tluk dih timi democracy phungning tah aho dah a cohlan kho deuh lai. Mipi humhimnak a kilven kho tu le nawlngeihnak covo a pek kho deuh ding party cu chim hau lo in theih a si.

NLD le taingyinta (ethnics) party pawl nih sermi party-fonh cozah a si ah tah? Chin ram ah party pathum fonhmi CNLD, Kachin ram ah party pathum fonhmi kachin State People’s Party KSPP, Kayah ram ah party pahnih fonhmi Kayah State Democratic Party KSDP, Karen ram ah party pali fonhmi kayin National Democratic Party KNDP, Mon ram ah party pahnih fonhmi Mon Unity Party MUP, cun Rakhine ah a thawng bikmi ANP le Shan ah SNLD party pawl nih party-fonh cozah dirh khawh dingin an hmuitinh pakhat a si tiah an zumh. Cun party i komh i tantinak a tuahmi alliances pawl hna cu Nationalities Brotherhood Federation NBF, United Nationalities Alliance UNA, Federal Democracy Alliance FDA and United Political Parties Alliance
UPPA.

2010 thimnak ah taingyinta ethnics nih union level ah teinak seats 15% an hmuh i 2015 thimnak  ah 11% ah a tla. 2015 thimnak a zuammi party azapi ah 91 ah 59 hi taingyinta ethnics party an si. Atu 2020 ah Rakhine ram ANP a thawngnak khua 9 a phih i azapi khua 17 chung ah a tangmi khua 8 hi NLD thawngnak a si pin ah sang le khuate 152 a phih bantuk in Kachin ah khua 11, khuate 192, Karen ah khua 6 le khuate 53, Mon ah khau 1, khuate bu khat le Shan ram zong ah khua 6 le sang le khaute 141 ti in  taingyinta party thawngnak khua pawl a phih hi NLD hi a thawng chinchin lai i taingyinta hi zei tluk percentage dah an ngah khawh lai timi nih lai a rel lai dah. NLD nih tah Thura Shwe Man party UBP maw (seat 330 ah 240 auh ding party) asiloah PPP party pawl he tah atlawm bik hmun 80 ah a cuh ding party dang he tah coalition cozah an dir lai maw?

NLD nih rampi cozah a ser hei ti ko usih law, A si ahcun Chin State ah tah NLD lawng nih tei dih ah a tha maw asiloah CNLD lawng nih tei dih sehlaw tah (ZCD le KNP hi cu um rih ko seh law) zeidah a cang lai?

Union level ah aho dah an aw aan a um deuh lai? Chin State level ah tah aho dah rian a tuan kho deuh lai i federal democracy hmuhnak ding ah le miphun le ram kilvennak, nawlngeihnak le covo hmuhnak ding le thangchonak lam a kan kalpi kho deuh lai?  ptd.Credit-Sui Hingz

Be the first to comment

Leave a Reply

Your email address will not be published.


*