Keren miphun Krihfabu biakinn pakhat cu SAC ralkap nih an hrawh

Yangon Ensein sang pakhatah ummi Keren miphun Krihfabu biakinn pakhat cu SAC ralkap nih an hrawh,hrawhhral hnuah Cuka Saya pakhat le pa pahnih hna cu thidok nunglo in an velh hna hnuah an kalpi hna ti si,mah an tlaih le velhmi pa thum chungah pakhat cu pum tlamtling lo asi tiah theih asi.

Pumtlamtling lo zobg cu hual loin ceilak an velh ti si.Hriamtlai minung pahnih hika biakinn leiah an rak zam,tli timi lunghrinh in biakinn an hrawhhral pinah minung pathum an velh hna le tlaih hna hi si tiah theih asi.
Credit-William HC

Mizoram ah COVID-19 in Chinmi 2 an Nunnak a Liam Than.Mizoram ah Chinmi nu pahnih COVID-19 in an nunnak a liam tthan, tiah thawng kan theih.

Nizan May 22 ah chun hnu sml. 2:50 ah Pi Tawk Tial (kum 63) cu Zoram Medical College ah COVID-19 zawtnak in a nunnak a liam.

Pi Tawk Tial hi Myanmar ram lei in Mizoram ah pum zawtnak i tlop ding in a rami a si, tiah Mozoram thawngzamhnak pawl nih an langhter.

Mikhual a si hmanh ah Mizoram ah a nunnak a liammi a si caah Aizawl khua, Electric sang nih nihin ah a ruak ttha tein vuinak an tuahpiak. Pi Tawk Tial hi Lung zawtnak le khuhrin zawtnak a ngeimi zong a si, tiah DIPRMizoram nih a langhter.

Cun, nihin May 23, zaanlei sml. 3:00 ah Myanmar ralzam Pi Tha Tin Kip (kum 49) cu Zoram Medical College ah COVID-19 zawtnak in a nunnak a liam ve.

Pi Tha Tin Kip hi Myanmar ah SAC ralhrang nih uknak an chuh hnu in Kalaymyo, Tahan in Mizoram ah a zaammi a si. COVID-19 zawtnak a ngeih pin ah a kal zong a ttha lo, tiah DIPRMizoram nih a langhter.

Naite zong ah Mizoram ah a zaammi Thantlang nu pakhat COVID-19 in a nunnak a rak liam cang.

Mizoram ah COVID-19 zawtnak a karh chin thluahmah caah thaizing May 24 in May 30 tiang Total Lockdown tuah ding in thawng an thanh.

The Chin Journal May 23, Yangon Hmanthlak: Aizawl, Electric sang mino hna nih Pi Tawk Tial ruak thlahnak an tuah lio.

Be the first to comment

Leave a Reply

Your email address will not be published.


*