Ken Sande nih chungkhar ah minung phunthum kan um, a ti.

1. Peace-faker: Chungkhar nih kan ngeihmi problems aa theihter lo mi, zeizong vialte a ttha dih ko ti phun in a ummi le chugnkhar problems um paoh ah chungkhar he aa hlat in a ummi, an si.

2. Peace-breaker: Chungkhar nih kan ngeihmi daihnak a hrawktu, asiloah, chungkhar ah buainak le harnak chuahpitu an si.

3. Peace-maker: Chungkhar ah daihnak sertu an si. Chungkhar hmunkhat ah dawtnak le remnak in nun a duhmi hna an si.

Laimi hi number pakhatnak (peace-faker) kan tam, tiah ka ruah. Kan chungkhar zeitluk a zawt zongah a dammi bantukin i umter kan hmang. Chungkhar problems phisin (solve) kan i tim tuk lo.

Laimi chungkhar nih kan herhmi cu number pathumnak (peace-maker) hi a si. Annih cu chungkhar ah daihnak sertu lawng an si lo. Chungkhar problems zong dawtnak, lungsaunak le theihthiamnak he phisin (solve) a duhmi an si. Hihi Jesuh nih Matthai 5:9 ah a kan cawnpiakmi zong a si.

“Mi le mi karah daihnak a sertu” cu problems aa theihtermi lomi (ignore) an si lo. Problems um tikah daidup (silent) ummi zong an si fawn lo. Thil dik thil ttha an ttanh i ralttha tein an hmai ummi problems a phisin mi (solve) an si. Chungkhar problems hnulei a chit lo mi, a zaamtak lo mi an si. Cucu daihnak a sertu taktak hna cu an si.

Note: Matthew 5:9 hi Lai ah ‘remnak a sertu’ a ti nain Miraang ah ‘peacemakers’ a ti caah ‘daihnak a sertu, tiah ka hman ve.Credit-Van Neih Bik

Be the first to comment

Leave a Reply

Your email address will not be published.


*