Kei cu CNF ciocio zongah Ralkap training a dih le dih lo cu ka upatnak hna aa dang bak

Hriamtlai bal le tlai bal lo cu aa dang bak.
Dr. Andrew Ngun Cung Lian bia cun, Hangkaw rawlchuang bal lo le cangvat seh bal lomi kha cu ka thleidan ko hna ka lungthin tein. Salute ka pek hna tik zongah ka thinlung a phundang deuh ko.

Cu ve bang, Laimi barawh zat Miphun in kan dir ve a herh tiah harnak phunkip tuar in a rak tangmi Pu Hrang Nawl te hna kha cu ka upat hna ning a hmual a dang ko.Nihin zongah Chin Party cu zei an si lai lo Kawl Party lo cun zei kan tuah kho lai lo a titu pawl ka hmuh hna ning cu aa dang bak.
Mithmai bi lengmang in hehcet tiah miphun dawtnak kan aupi lio ahhin kan neh a phalhtu hi Kawlpa siloiah Laimi lila kan simi ka ruah ah ka ngaihchiat a zual.

2025 ahcun 2030 ahcun Chin Party ah kan dir te ko lai an ti. Cu tikah ahcun an duh lo zongah anmah dirpi lo zongah Chin Party a thawn te ding cu a fiang ko. Harnak caan ah idirpi tung loin lam a awn awn hnu i hei fuh cio khi.Tu ka lungput hin cun Miphun Party nan dirpi cio i kan ilawm tuk kan ttang tti hna lai tiah an kut tlaih te ding khi ka ruat kho lo.Credit-Salai Ngun San Aung

Be the first to comment

Leave a Reply

Your email address will not be published.


*